​आलिया भट्ट झाली ‘रणबीरमय’! लपता लपत नाहीयं चेह-यावरची उत्सुकता!!

आलिया भट्ट हिचा ‘करिअर ग्राफ’ दिवसागणिक उंचावत चालला आहे. या वर्षात आलियाचे काही शानदार चित्रपट आपल्याला बघायला मिळणार आहे. यापैकी एका चित्रपटाबद्दल आलिया कधी नव्हे इतकी उत्सूक आहेत. हा चित्रपट म्हणजे, आलियासाठी जणू स्वप्न सत्यात उतरल्यासारखा आहे. अलीकडे आलियाने ‘राजी’चे शूटींग संपवले. येत्या ११ मे रोजी हा चित्रपट रिलीज होतोय. ‘राजी’चे शूटींग संपताच आलियाने रणवीर सिंगसोबत ‘गली बॉय’चे शूटींग सुरू केले. पण ‘ब्रह्मास्त्र’ या चित्रपटाबद्दल आलिया सर्वाधिक एक्ससाईटेड आहे. याचे कारण काय तर या चित्रपटात रणबीर कपूर आहे. होय, रणबीरमुळेच आलियासाठी हा चित्रपट खास बनला आहे. कारण रणबीर हा आलियाचा  ‘फर्स्ट क्रश’ आहे. त्याच्यासोबत काम करणे, हे आलियाचे स्वप्न होते आणि ‘ब्रह्मास्त्र’ने आलियाचे हे स्वप्न पूर्ण केले आहे. त्याचा परिणाम म्हणजे, सध्या जो दिसेल त्याच्याजवळ आलिया हे बोलून दाखवते आहे. रणबीरबद्दल बोलताना ती जराही थकत नाहीय. एकंदर काय तर तूर्तास आलिया पुरती ‘रणबीरमय’ ​झाली आहे. कदाचित सिद्धार्थ मल्होत्रापेक्षा रणबीरसाठी तिचे हृदय अधिक धडधडू लागलेय. साहजिकच रणबीर व आलियाच्या लिंकअपच्या बातम्याही यामुळे ऐकू येत आहेत.  ‘ब्रह्मास्त्र’च्या सेटवर आलिया व रणबीरमधील जवळीक वाढत असल्याची बातमी मध्यंतरी प्रसारमाध्यमांत उमटली होती.  यानंतर   केवळ चित्रपटाचा प्रचार करण्यासाठी रणबीर व आलियाच्या लिंकअपची बातमी जाणीवपूर्वक पेरली जातेय, असेही कानावर आले होते. केवळ इतकेच नाही तर रणबीरने म्हणे आलियासोबतच्या लिंकअपच्या बातम्यांवर  नाराजी व्यक्त केली असल्याचेही ऐकीवात आले होते. हे सगळे चित्रपटाच्या प्रसिद्धीसाठी असेल तर हा प्रकार ताबडतोब थांबवा, असे त्याने आलिया व ‘ब्रह्मास्त्र’चा निर्माता करण जोहर यांना बजावल्याचेही समजले होते. पण कदाचित या बातम्यांमागे केवळ प्रसिद्धी हे कारण नाहीच. खरे कारण आलियाचे ‘रणबीरमय’ होणे आहे. आता तिचे हे ‘रणबीरमय’ होणे कुठल्या वळणावर जाते, ते बघूच.ALSO READ : ​OMG! रणबीर कपूरला नकोशी झालीय ‘प्लेबाय’ इमेज!!