बॉयफ्रेंड पाठोपाठ लंडनला रवाना झाली ही अभिनेत्री, वर्षा अखेरिस आहे लग्नाचा प्लान ?

‘कॉफी विथ करण’ या चॅट शोमध्ये रिलेशनशिपमध्ये असल्याची हिंट दिली होती.

रणबीर कपूरचा लंडनमधील सेल्फि व्हिडीओ सध्या सोशल मीडियावर खूप व्हायरल होतो आहे. लंडनमध्ये आपल्या फॅन्ससोबत तो पोझ देत तो फोटो काढताना दिसतोय. नवभारत टाईम्सच्या रिपोर्टनुसार रणबीरची गर्लफ्रेंड आलिया भट्ट सुद्धा लंडनला रवाना झाली आहे.

आलिया लंडनमध्ये जाऊन रणबीरसोबत व्हॅकेशन एन्जॉय करणार असल्याचे समजतेय.  नुकतीच आलिया मुंबई एअरपोर्टवर स्पॉट झाली. आलियाने नुकतेच बाबा महेश भट्ट यांचा सिनेमा सडक 2 चे शूटिंग करुन मुंबईत परतली आहे. आता ती रणबीरसोबत क्वॉलिटी टाईम स्पेंट करण्यासाठी लंडनमध्ये गेली आहे.

आलिया व रणबीर यांचे नाते आता जगजाहिर झाले आहे. कपूर आणि भट दोन्ही कुटुंबाने या नात्याला संमती दिल्याने लवकरच हे कपल लग्नबंधनात अडकणार असे मानले जात आहे. ‘कॉफी विथ करण’ या चॅट शोमध्ये आलियाने रणबीरसोबत रिलेशनशिपमध्ये असल्याची हिंट  दिली होती. प्रेमाची कबुली दिल्यानंतर हे कपल कित्येक कार्यक्रम, शोमध्ये एकत्रित दिसले. आता तर कपूर-भट कुटुंबीयांमध्येही चांगलीच जवळीक निर्माण झाली आहे. 

वर्कफ्रंट बाबत बोलायचे झाल्यास ‘ब्रह्मास्त्र’ सिनेमाच्या निमित्ताने रणबीर व आलिया भट्ट पहिल्यांदा एकत्र स्क्रिन शेअर करणार आहेत.  (‘ब्रह्मास्त्र’ या चित्रपटाच्या शूटिंगदरम्यानच दोघांच्या मैत्रीचे प्रेमात रुपांतर झाले.) या चित्रपटात रणबीर आलियासह, महानायक अमिताभ बच्चन,मौनी राय आणि साऊथ सुपरस्टार नागार्जून मुख्य भूमिकेत आहेत. या सिनेमात एक सुपरहिरोची कथा पाहायला मिळणार आहे.