बॉलिवूडमधील लोकप्रिय कपलपैकी एक कपल म्हणजे आलिया भट (Alia Bhatt) व रणबीर कपूर (Ranbir Kapoor). गेल्या वर्षी रणबीर आणि आलियाने त्यांच्या पहिल्या बाळाचे घरी स्वागत केले. तिचे नाव राहा (Raha) ठेवले आहे. मुलीच्या जन्माची घोषणा करताना आलियाने लिहिले की आमच्या आयुष्यातील सर्वोत्तम बातमी आमची मुलगी आली आहे आणि ती एक जादुई मुलगी आहे. राहादेखील इतर स्टारकिड्सप्रमाणेच बॉलिवूडमध्ये करिअर करणार असल्याची चर्चा आतापासूनच सुरू झाली आहे. आता एका अंकशास्त्र तज्ज्ञांनी राहच्या करिअरबाबत मोठी भविष्यवाणी केली आहे.
राहा अजून एका वर्षाचीही नसली तरी रणबीर आणि आलियाचे चाहते तिचे भविष्य जाणून घेण्यासाठी उत्सुक आहेत. या संदर्भात अनेक नामवंत ज्योतिषांनीही आपापली भविष्यवाणी केली आहे.
अंकशास्त्रज्ञ नवनिधी बधवा यांच्या मते राहा तिच्या आई-वडिलांसाठी आणि तिच्या करिअरसाठी खूप लकी असणार आहे. अंकशास्त्रानुसार, राहाचा मूलांक ६ आहे. सहा या अंकाला अंकशास्त्रात विशेष महत्त्व आहे. राहा बुद्धिमत्तेच्या जोरावर यशस्वी होईल. विचार करण्यात वेळ घालवण्यापेक्षा ती कृती करण्याला अधिक महत्त्व देईल.