आलिया भट्टच्या ‘राजी’ने पहिल्याच दिवशी मारली बाजी; कमाविले इतके कोटी?

अभिनेत्री आलिया भट्ट हिच्या ‘राजी’ या चित्रपटाला बॉक्स आॅफिसवर चांगली ओपनिंग मिळाली आहे. मेघना गुलजार दिग्दर्शित या चित्रपटाचे समीक्षकांनीही चांगले कौतुक केले असून, चित्रपट बॉक्स आॅफिसवर चांगली कमाई करण्याची शक्यता आहे. पहिल्याच दिवशी आलियाच्या या चित्रपटाने तब्बल ७.५३ कोटी रुपयांची कमाई केली. ‘राजी’चे एकूण बजेट ३५ ते ४० कोटींच्या आसपास आहे. अशात चित्रपटाला मिळालेली ओपनिंग पाहता वीकेण्डमध्ये चित्रपट बॉक्स आॅफिसवर चांगली कमाई करण्याची शक्यता आहे. खरं तर ‘राजी’ला मिळालेली ओपनिंग त्या अर्थानेही महत्त्वपूर्ण आहे की, हा चित्रपट अभिनेत्रीवर आधारित आहे. चित्रपटाने मोठ्या शहरांमध्ये चांगले प्रदर्शन केले. त्याचबरोबर वर्ड आॅफ माउथनेही चित्रपटाच्या फेव्हरमध्ये काम केले. वास्तविक ‘राजी’ हा चित्रपट एक स्पाय ड्रामा आहे. ज्यामध्ये आलिया एका अशा मुलीची भूमिका साकारत आहे, जी पाकिस्तानात राहून भारतासाठी हेरगिरी करीत असते.  

}}}} ">Power of SOLID CONTENT... #Raazi starts Day 1 with a BIG BANG... The EXCEPTIONAL word of mouth should result in a FANTASTIC opening weekend... Fri ₹ 7.53 cr. India biz.— taran adarsh (@taran_adarsh) May 12, 2018

‘राजी’ या चित्रपटाचे दिग्दर्शन मेघना गुलजार यांनी केले आहे. चित्रपटात विकी कौशल, रजत कपूर आणि जयदीप अहलावत यांच्या प्रमुख भूमिका आहेत. असे म्हटले जात आहे की, शनिवार आणि रविवारी चित्रपटाच्या कलेक्शनमध्ये आणखी भर पडण्याची शक्यता आहे. जर असे झाल्यास आलियाचा हा चित्रपट बॉक्स आॅफिसवर चांगले प्रदर्शन करण्यास यशस्वी ठरेल. मेघना गुलजार यांच्या ‘तलवार’ या चित्रपटानेही बॉक्स आॅफिसवर चांगले प्रदर्शन केले होते. त्यामुळे या चित्रपटातूनही त्यांना खूप अपेक्षा आहेत.