अमिताभ बच्चन गेल्या तीन दिवसांपासून नानावटी हॉस्पिटलमध्ये दाखल आहेत. यकृताच्या आजारामुळे त्यांना हॉस्पिटलमध्ये दाखल करण्यात आले आहे. आजतकच्या रिपोर्टनुसार रविवारी त्यांना डिस्चार्ज देण्यात येईल. सोशल मीडियावरुन त्यांचे फॅन्स अमिताभ यांची प्रकृती सुधारण्यासाठी प्रार्थना करतायेत. हॉस्पिटलमध्ये सुद्धा बिग बी सोशल मीडियावर अ‍ॅक्टिव्ह आहेत. त्यांचे ट्वीट सोशल मीडियावर वेगाने व्हायरल होतायेत.
अमिताभ यांच्या तब्येतीबाबत बच्चन कुटुंबीय याबाबत लवकरच माहिती देतील. मात्र मेडिकल बुलेटिन काढण्यास बच्चन कुटुंबाने हरकत घेतली आहे. बिग बींना १९८२ मध्ये कुलीच्या शूटिंग दरम्यान त्यांना दुखापत झाली होती. त्यादरम्यान त्यांची दोन ऑपरेशन झाली होती. मुंबई झालेले ऑपरेशन तर जवळजवळ आठ तास सुरू होते. हे ऑपरेशन यशस्वी झाले आणि त्यानंतर महिनाभराने त्यांना रुग्णालयातून डिस्चार्ज देण्यात आला.