अमिताभ बच्चन सोशल मीडियावर आपल्या फॅन्ससाठी मजेदार पोस्ट शेअर करत असतात. कधी जुन्या आठवणी तर कधी व्हायरल व्हिडीओ शेअर करत असतात. रील आणि रिअल लाइफचे किस्से शेअर करत असतात. आपल्या कामाबाबत काही अपडेट्सही ते देतात. त्यांनी नुकताच एक फोटो मजेदार कॅप्शनसोबत शेअर केला आहे. या फोटोत ते एका हातात रसगुल्ला तर दुसऱ्या हातात गुलाब जामुन घेऊन आहेत.
बिग बी यांनी लिहिले की, जेव्हा आपण गोड खाणं सोडलेलं असतं तेव्हा शूटवर तुमच्या हातात रसगुल्ला आणि गुलाब जामुन देऊन सांगितलं जातं की, आत्ताच तुम्ही हे खाल्ल्यासारखं आणि स्वादिष्ट लागल्यासारखं एक्सप्रेशन द्यायचं आहे. यापेक्षा मोठं टॉर्चर लाइफमध्ये काहीही असू शकत नाही.
अमिताभ बच्चन यांच्या वर्कफ्रंटबाबत सांगायचं तर ते अयान मुखर्जीच्या 'ब्रम्हास्त्र' सिनेमात दिसणार आहेत. यात रणबीर कपूर आणि आलिया भट्ट यांच्याही महत्वाच्या भूमिका आहेत. तसेच ते नागराज मंजुळे दिग्दर्शित 'झुंड' आणि रूमी जाफरी यांच्या 'चेहरे' सिनेमातही दिसणार आहे.