Amrita Singh Birthday: अमृता सिंग आज तिचा वाढदिवस साजरा करत आहे. 9 फेब्रुवारी 1958 रोजी जन्मलेल्या या अभिनेत्रीने 1983 मध्ये सनी देओलसोबत 'बेताब' चित्रपटातून बॉलिवूडमध्ये पदार्पण केले. तिच्या संपूर्ण कारकिर्दीत अनेक वेळा फिल्मफेअर आणि आयफा पुरस्कारांसाठी नामांकन मिळाले आहे. अभिनेत्रीला 1994 मध्ये 'आयना'साठी फिल्मफेअर पुरस्कार मिळाला होता. अमृताचे ‘2 स्टेट’ चित्रपटातील भूमिकेचेही खूप कौतुक झाले होते.
अमृतने करिअर यशाच्या शिखरावर असताना सैफ अली खानशी लग्न केलं होतं. मात्र, लग्नाच्या अनेक वर्षांनी दोघांचा घटस्फोट झाला. या जोडप्याला दोन मुले आहेत. मुलगी सारा अनेक बॉलिवूड चित्रपटांमध्ये दिसली आहे. पतौडी घराण्याची सून असलेली अमृता सिंग आज खूप लग्झरी आयुष्य जगत आहे. तिच्या वाढदिवसानिमित्त जाणून घेऊया ती किती कोटींची मालकीण आहे.
अमृता सिंगची एकूण संपत्ती किती आहे?अमृता सिंग ही ९० च्या दशकातील अभिनेत्री होती. मीडिया रिपोर्ट्सनुसार, सैफ अली खानची एक्स पत्नी अमृता सिंग करोडोंची मालकीण आहे. तिच्याकडे एकूण 15 मिलियन डॉलरची मालमत्ता आहे. अमिताभ बच्चन आणि तापसी पन्नू स्टारर बदला या चित्रपटात अमृता अखेरची रुपेरी पडद्यावर दिसली होती.
अभिनेत्री अमृता सिंग केवळ चित्रपटातूनच कमाई करत नाही, तर ती टीव्ही, ब्रँड, जाहिराती आणि इतर अनेक माध्यमांतूनही कमाई करते. मीडिया रिपोर्ट्सनुसार, अमृता सिंग या सर्व माध्यमातून महिन्याला 20 लाखांपेक्षा जास्त कमावते. अमृता मुंबईतील एका आलिशान बंगल्याची मालकीणही आहे. अभिनेत्रीकडे तीन कोटींचा बंगला आणि दोन कोटींचे फॉर्म हाऊस आहे.