स्टारकिड अनन्या पांडे आज बॉलिवूडमधील लोकप्रिय अभिनेत्री आहे. २०१९ साली अनन्याने 'स्टुडंट ऑफ द इयर २' या करण जोहरच्या चित्रपटातून बॉलिवूडमध्ये पदार्पण केलं होतं. अनन्या ही प्रसिद्ध अभिनेता चंकी पांडे यांची मुलगी आहे. वडिलांच्या पावलावर पाऊल ठेवत बॉलिवूडमध्ये एन्ट्री घेतलेल्या अनन्याने 'पती पत्नी और वो', 'खाली पिली', 'गेहराइया', 'लायगर', 'ड्रीम गर्ल २' या चित्रपटांत काम केलं आहे. बॉलिवूडमधील करिअरमध्ये अनन्याचं नाव काही अभिनेत्यांबरोबर जोडलं गेलं. पण, गेल्या काही दिवसांपासून अनन्या आणि आदित्य रॉय कपूरच्या डेटिंगच्या चर्चा रंगल्या आहेत.
अनन्या आणि आदित्य व्हॅकेशनपासून ते डिनर डेटपर्यंत अनेक ठिकाणी एकत्र दिसतात. दोघांनी कधीच आपल्या नात्यावर कोणतंच वक्तव्य केलेलं नाही. मात्र अनेकवेळा दोघे एकत्र स्पॉट होतात. अशातच अनन्या आणि आदित्य मुव्ही डेटवर जाताना दिसले.
सोशल मीडियावर अनन्या आणि आदित्यचा एक व्हिडिओ समोर आला आहे. ज्यामध्ये हे कपल मुंबईतील एका थिएटर बाहेर दिसले. मात्र, दोघेही वेगवेगळ्या कारांमधून आले होते. व्हायरल होत असलेल्या व्हिडिओमध्ये अनन्याने ऑरेंज रंगाचा टॉप घातलेला दिसत होता, तर आदित्य काळ्या रंगाच्या टी-शर्टमध्ये दिसला.
अलिकडेच अनन्याने आदित्यला सोशल मीडियावर वाढदिवसाच्या शुभेच्छा दिल्या होत्या. अभिनेत्रीने आदित्यचा एक फोटो शेअर केला होता. ज्यावर तिने लिहिले होते, हॅपी बर्थडे आदित्य... या फोटोसोबत अभिनेत्रीने एक रोमँटिक गाणे देखील बॅकग्राऊंडला लावले होते. अनन्याच्या बर्थ डेला हे कपल मालदीवला सेलिब्रेशनसाठी गेले होते.
वर्क फ्रंटबद्दल बोलायचे झाले तर अनन्या 'खो गये हम कहाँ' या चित्रपटात दिसणार आहे, तर आदित्य सारा अली खानसोबत 'मेट्रो इन दिन'मध्ये दिसणार आहे.