Ankita Lokhande and Vicky Jain Sangeet Ceremony :अभिनेत्री अंकिता लोखंडे (Ankita Lokhande) आज बॉयफ्रेन्ड विकी जैनसोबत (Vicky Jain) विवाहबंधनात अडकणार आहे. त्याआधी काल संगीत सेरेमनी रंगली आणि या सेरेमनीत अंकिता व विकीने धम्माल मज्जा केली. विशेष म्हणजे, बॉलिवूडची ‘पंगा गर्ल’ कंगना राणौतही (Kangana Ranaut) या सोहळ्याला हजर होती. अंकिताच्या संगीत सोहळ्यात कंगनाने ग्रँड एन्ट्री घेतली. पाच बॉडीगार्डच्या गराड्यात कंगना पार्टीत आली आणि सर्वांच्या नजरा तिच्यावर खिळल्या.
पार्टीत येताच, कंगनाने अंकिताला मिठी मारली आणि दोघी गप्पाही मारताना दिसल्या. कंगनाने तिच्या इन्स्टाग्रामवर स्टोरीवर अंकिताच्या संगीत सेरेमनीचे काही फोटो शेअर केले आहे. यात कंगना व अंकिता दोघी एकत्र डान्स करताना, मस्ती करताना दिसत आहे. ‘युद्ध नको प्रेम करा, आज मेरे यार की शादी है’, असं कॅप्शन देत कंगनाने हे फोटो शेअर केले आहेत.
या शाही सोहळ्यासाठी कंगनाने निळ्या रंगाचा लेहेंगा परिधान केला होता आणि त्यावर हेवी एम्ब्रॉयडरी केली होती. सोबत अ‍ॅक्सेसरीसमध्ये स्टेटमेंट नेकलेस, मांगपट्टी आणि मांगटिकाचा वापर केला होता.
‘मणिकर्णिका’ या चित्रपटात अंकिता व कंगनानं एकत्र काम केलं होतं. या चित्रपटात कंगना राणी लक्ष्मीबाईच्या भूमिकेत आणि अंकिता तिची मैत्रिणी झलकारीबाईच्या भूमिकेत दिसली होती. सेटवर ओळख झाली आणि मग अंकिता व कंगना दोघी खास मैत्रिणी बनल्या.
कोरोनामुळे रद्द झाला लग्नातील एक खास इव्हेंटआज अंकिता व विकी जैन लग्नबंधनात अडकणार आहेत आणि रात्री दोघांच्या लग्नाचं रिसेप्शन आयोजित केलं गेलं आहे. अंकिता व विकीच्या लग्नाचा प्रत्येक सोहळा ग्रँड झाला. रिसेप्शनपार्टीही अशीच ग्रँड होणार होती. पण महाराष्ट्रात कोरोनाचा वाढता धोका बघता, रिसेप्शनमधील रेड कार्पेट इव्हेंट रद्द करण्यात आला आहे. हा रेड कार्पेट इव्हेंट खास मीडियासाठी आयोजित करण्यात आला होता.