अभिनेत्री अंकिता लोखंडे हिने एक दिवस आधीच पवित्र रिश्ता मालिकेला १२ वर्षे पुर्ण झाल्याच्या निमित्ताने सेलिब्रेशन केले होते. यादरम्यान अंकिता लोखंडेने एका व्हिडीओच्या माध्यमातून चाहत्यांना एक स्पेशल मेसेज दिला होता. अंकिता लोखंडे पुन्हा एकदा सोशल मीडियावरील पोस्टमुळे चर्चेत आली आहे. अंकिताची नवीन पोस्ट पाहून चाहते हैराण झाले आहेत. इंस्टाग्रामवर अंकिता लोखंडे हिने एक फोटो शेअर केला आहे आणि लिहिले की, हा गुडबॉय नाही..नंतर भेटूयात. आता अंकिताने काय विचार करून ही पोस्ट शेअर केली, हे तिलाच माहित आहे.
तिची ही पोस्ट पाहून कोणालाही हेच वाटेल की, तिच्यात आणि विकी जैनमध्ये काहीच ठीक नाही. सुशांत सिंग राजपूतसोबत ब्रेकअप झाल्यानंतर अंकिता लोखंडे बिझनेसमन विकी जैनसोबत रिलेशनशीपमध्ये आली. मागील ३ वर्षांपासून एकमेकांना डेट करत आहे आणि ते दोघे लवकरच लग्न करणार असल्याचे बोलले जात आहे.