क्रिकेटर महेंद्र सिंग धोनीच्या घरी जाऊन मुलगी जीवाला भेटले अनुपम खेर

बॉलिवूडचे महान अभिनेता अनुपम खेर सध्या रांची मध्ये आहेत  ते त्यांच्या आगामी चित्रपट 'रांची डायरीज' च्या प्रोमोशन साठी तिथे आले आहेत, त्याचवेळेस ते क्रिकेटपटू एम. एस. धोनीच्या पण घरी गेले त्यांच्या परिवाराला सुद्धा भेट दिली तिथे ते धोनीच्या मुलीला म्हणजेच जीवाला देखील भेटले.अनुपम खेर यांनी त्यांच्या ट्विटर अकाउंटवर धोनीच्या मुलीबद्दल ट्विट करत धोनी बरोबरचा एक फोटो सुध्दा शेअर केला आहे. इतकेच नाही तर त्यांनी धोनीच्या वडिलांबरोबरचा फोटो पण शेअर केला आहे. अनुपन खेर यांनी ट्विटरच्या माध्यमातून  धोनीच्या कुटुंबियांबरोबरचा फोटो शेअर केला ज्यात ते महेंद्रसिंग धोनीच्या वडिलांबरोबर दिसत आहे. त्यापुढे अनुपम खेर यांनी ट्विट केले की "प्रिय साक्षी आणि एमएस. धोनी तुमचे नवीन घर मला खूप आवडले. आई-वडिलांना भेटणे हे नेहमीच एका आशीर्वादासारखे असते.  ते पुढे म्हणाले "साक्षी आणि एम .एस. धोनीची मुलगी जीवा फारच हुषार आहे ती आपले राष्ट्रगीत न चुकता मोठ्याने गाऊ शकते. देवाचा आशीर्वाद तिच्यावर असाच असू राहू देत.'' आपणास सांगू इच्छितो की २०१६ मध्ये एम. एस. धोनी वर आलेला चित्रपट एमएस धोनी: द अनटोल्ड स्टोरी यात अनुपम खेर यांनी धोनीच्या वडिलांची भूमिका साकारली होती म्हणजेच पान सिंग यांच्या भूमिकेत ते झळकले होते. हा चित्रपट बॉक्स ऑफिसवर हिट ठरला. तसेच अभिनेता सुशांत सिंग राजपूत यांच्या करिअरसाठी हा टर्निंग पॉईंट ठरला असे म्हटले तर वावगे ठरणार नाही. यात दिशा पटाणी ही सुद्धा झळकली होती.   'रांची डायरीज' च्या प्रोमोशन साठी गेलेले अनुपन खेर  ९२.७ एफ एम च्या ऑफिसला ही भेट दिली. त्याचबरोबर त्यांनी रांची मधील निसर्गाचे  कौतुक केले त्याच बरोबर ते झारखंड चे मुख्यमंत्री श्री रघुवीर दास ह्यांना सुद्धा भेटले आणि त्यांनी त्यांच्या बरोबर चा फोटो सुद्धा शेअर केला आहे.