'द कश्मीर फाइल्स'चं (The Kashmir Files) वादळ अद्यापही कमी झालेलं दिसत नाही. हा चित्रपट अजूनही जबरदस्त कमाई करताना दिसत आहे. काश्मिरी पंडितांच्या वेदनांचे आणि दुःखाचे चित्रण असलेल्या या चित्रपटाने केवळ सर्वसामान्यांच्याच नाही, तर बॉलिवूडमधील अनेक सेलिब्रिटींच्याही हृदयाला स्पर्श केला आहे. रितेश देशमुख, सुनील शेट्टी, आमिर खानपासून अनेक सेलिब्रिटी द कश्मीर फाइल्सचे कौतुक करताना थकत नाहीत. आता या यादीत बॉलिवूडचा दबंग अभिनेता सलमान खानचे नावही जोडले गेले आहे.
चित्रपट पाहिल्यानंतर सलमानची आली अशी रिअॅक्शन -विवेक अग्निहोत्री दिग्दर्शित 'द कश्मीर फाइल्स' चित्रपट सलमान खानलाही प्रचंड आवडला आहे. चित्रपट पाहिल्यानंतर सलमाची रिअॅक्शनही आली आहे. द कश्मीर फाइल्सची बॉक्स ऑफिसवरील जबरदस्त कमाई आणि चित्रपटाचे यश, यासाठी सलमान खानने अनुपम खेर यांना पर्सनली कॉल करून त्यांचे अभिनंदन केले आहे.
टाईम्स नाउसोबत संवाद साधताना अनुपम खेर यांनी चित्रपट पाहिल्यानंतर त्यांच्याशी बोललेल्या सेलिब्रिटींसंदर्भात सांगितले. अनुपम म्हणाले, वैयक्तिकरित्या सांगायचे झाल्यास सलमान खानने मला दुसऱ्याच दिवशी फोन करून माझे अभिनंदन केले.
सलमानसोबत अनेक चित्रपटांत अनुपम खेर यांनी काम केले आहे -अनुपम खेर यांचे सलमान खानसोबतचे नाते अत्यंत खास आणि जुने आहे. बॉलिवूडमधील या दोन्ही स्टार्सनी अनेक चित्रपटांमध्ये एकत्रपणे काम केले आहे. अनुपम खेर यांनी सलमान खानसोबत प्रेम रतन धन पाओ, जान-ए-मन यांसारख्या चित्रपटांमध्ये काम केले आहे.