बॉलिवूडचा किंग खान शाहरूख सोबत अनुष्का शर्मा झिरोमध्ये पहायला मिळाली. त्यानंतर ती कोणत्याच सिनेमात दिसली नाही आणि सध्या ती कोणत्याच चित्रपटाचे शूटिंगदेखील करत नाही आहे. तसेच अद्याप तिच्या कोणत्याच आगामी प्रोजेक्टबद्दल कोणतेही वृत्त आलेले नाही. त्यामुळे अनुष्का शर्मा सध्या का काम करत नाही, असा प्रश्न विचारला जात आहे. या प्रश्नाचे उत्तर नुकतेच अनुष्काने दिले आहे.
हिंदुस्तान टाईम्सला दिलेल्या मुलाखतीत अनुष्का म्हणाली की, मी मागील तीन वर्षांपासून फॅशन क्षेत्रात कार्यरत आहे. हे शेड्युल खूप हेक्टिक आहे. या दरम्यान त्याच भूमिका केल्या ज्या जास्त चांगल्या वाटल्या. एका वर्षात परी, सुई धागा, झिरो या चित्रपटात काम केल्यानंतर लगेच दुसरे काम सुरू करणे सोप्पे नाही. मला वाटते की कलाकार म्हणून मी ज्या पोजिशनवर आहे जिथे वेळेसाठी चित्रपट करायचा नाही.
सूत्रांच्या माहितीनुसार अनुष्का तिचा नवरा विराट कोहलीसोबत वर्ल्ड टूरवर जाण्याचे प्लानिंग करत आहे. त्यामुळेच तिने अद्याप कोणत्या नवीन प्रोजेक्टला सुरूवात केलेली नाही.