आयपीएल नुकतंच संपलं आहे. कोलकाता नाईट रायडर्सने यंदा आयपीएलचे विजेतेपद पटकावले. यावेळीही किंग कोहलीच्या टीमचा पराभव झाला. दरम्यान काल विराट कोहली (Virat Kohli) , अनुष्का शर्मा (Anushka Sharma), झहीर खान (Zaheer Khan) आणि सागरिका घाटगे (Sagarika Ghatge) डिनर डेटवर गेले. यावेळी विरुष्का एकदम कूल लूकमध्ये दिसले. मुंबईतील एका हॉटेलमधून बाहेर पडतानाचा त्यांचा व्हिडिओ व्हायरल झाला आहे.
डिनर डेटसाठी अनुष्का शर्माने व्हाईट कॅज्युअल शर्ट आणि डेनिम जीन्स परिधान केली होती. फेब्रुवारी महिन्यात अनुष्काने मुलाला जन्म दिला. यानंतर तीन महिन्यातच ती कमालीची फीट दिसत आहे. तर विराट कोहली ब्लॅक शर्ट आणि ऑफ व्हाईट पँट अशा लूकमध्ये दिसला. झहीर खान आणि पत्नी सागरिकाही स्टायलिश कपल आहे. या चौघांसोबत आयपीएल होस्ट, प्रेझेंटेटर गौरव कपूरही होता. मुंबईतील एका हॉटेलमधून दोन्ही कपल बाहेर आले तेव्हा पापाराझींची गर्दी झाली. त्यांचे कँडिड व्हिडिओ सोशल मीडियावर व्हायरल होत आहेत. सेलिब्रिटी फोगोग्राफर Manav Manglani च्या इन्स्टाग्राम पेजवर हा व्हिडिओ पोस्ट करण्यात आला आहे.
अनुष्का लवकरच 'चकदा एक्सप्रेस' सिनेमात दिसणार आहे. क्रिकेटपटू झुलन गोस्वामीवर सिनेमा आधारित आहे. नेटफ्लिक्सवर हा सिनेमा प्रदर्शित होणार आहे. या सिनेमाची घोषणा काही वर्षांपूर्वीच झाली असून शूटिंगही पूर्ण झालं आहे. मात्र अद्याप सिनेमाची रिलीज डेट समोर आलेली नाही.