​अनुष्का शर्माच्या लग्नात ‘विराट’ खर्च! पाहुण्यांना दिले अनमोल गिफ्ट!!

अनुष्का शर्मा व विराट कोली यांचे लग्न यंदाची सर्वात मोठी बातमी ठरली आहे. केवळ ५० पाहुण्यांच्या उपस्थित रॉयल लग्न करण्याची कल्पना अनुष्काची होती. तिला गर्दी नको होती. त्यामुळेच चार महिन्यांपासून या रॉयल लग्नाची तयारी सुरु होती. आपल्या लग्नासाठी विराट व अनुष्काने दिल्लीतील वेडिंग प्लानर देविका नरेन आणि त्यांचे फोटोग्राफर पती रदिक यांच्याशी संपर्क साधला गेला. अलीकडे देविकांनी या लग्नाबद्दल अनेक खुलासे केलेत.देविकांनी सांगितल्यानुसार, अनुष्का व विराटचे लग्न खूपच स्पेशल होते. या लग्नासाठी खास हॉलंडवरून फुलं मागवण्यात आली होती. हॉलंडची फुल आणि भारतातील फॅब्रिक याची सुंदर सजावट होती. या लग्नासाठी देविकांची टीम सलग ४५ दिवस खपली. देविकांनी सांगितले की, अनुष्काने माझा प्लानर ‘शादीस्क्वॅड’ द्वारे माझ्याशी संपर्क साधला. या लग्नाचा करार साईन करण्यापूर्वी कुणाचे लग्न आहे आणि ते कुठे होणार, हे मला ठाऊक नव्हते. अनुष्काला अतिशय इंटिमेट वेडिंग हवे होते, त्यामुळे तिने यासाठी आमची निवड केली. मी हे सेलिब्रेशन केवळ कुटुंबासाठी करतेय.मला कुणालाही इंम्प्रेस करायचे नाही, हे तिने मला स्पष्ट सांगितले होते. या लग्नात आलेल्या पाहुण्यांना काय गिफ्ट दिले गेले, हेही देविकांनी सांगितले. अनुष्का व विराट प्रचंड धार्मिक स्वभावाचे आहेत आणि रूमी हा प्रसिद्ध कवी त्या दोघांचाही आवडता आहे. त्यामुळे प्रत्येक पाहुण्याला रूमीच्या कवितांचे कलेक्शन गिफ्ट केले गेले. लग्नाचा वेन्यू एखाद्या उद्यानाप्रमाणे सजवण्यात आला होता, असे त्यांनी सांगितले.विरूष्काने या लग्नात जवळपास १०० कोटी रुपए खर्च केल्याचे मानले जात आहे. अर्थात अद्याप रिसेप्शन व्हायचे आहे. अनुष्का व विराटची एकूण कमाई ६०० कोटींच्यावर आहे. त्या हिशेबाने दोघांनीही लग्नावर १०० कोटी रुपए खर्च केले असतील तर फार फरक पडणारा नाहीच. होय ना?इको फ्रेंडली रिसेप्शन कार्डALSO READ : अनुष्काच्या साखरपुड्याच्या अंगठीची किंमत वाचून व्हाल थक्क! पोशाख अन् दागिणेही होते तसेच खास!!येत्या २१ व २६ डिसेंबरला विरूष्काच्या लग्नाचे रिसेप्शन होणार आहे. होय, २१ ला दिल्लीत आणि २६ ला मुंबईत रिसेप्शन ठेवण्यात आले आहे. याचदरम्यान मुंबईतील रिसेप्शनचे रिसेप्शन कार्ड समोर आले आहे. महेश भट्ट यांनी या कार्डची एक झलक सोशल मीडियावर शेअर केली आहे. या इको फ्रेंडली कार्डावर अनुष्का व विराटचे नाव लिहिलेले आहे. सोबत एक सुंदर रोपटे आहे.अनुष्काला गार्डनिंगची प्रचंड हौस आहे. याचमुळे हे खास कार्ड निवडण्यात आले आहे.