'भूलभुलैया ३' शिवाय कार्तिक आर्यन तृप्ती डिमरीसोबत आणखी एका सिनेमात दिसणार रोमांस करताना

Trupti Dimri : धडक २ व्यतिरिक्त तृप्ती डिमरी कार्तिक आर्यनसोबत फक्त भूल भुलैया ३ मध्ये दिसणार नाही तर याशिवाय ती लवकरच दुसऱ्या चित्रपटाच्या शूटिंगला सुरुवात करणार आहे.

अभिनेता रणबीर कपूर(Ranbir Kapoor)च्या 'ॲनिमल' (Animal Movie) चित्रपटाने बॉक्स ऑफिसवर चांगलीच कमाई केली. या चित्रपटात त्याच्यासोबत रश्मिका मंदाना (Rashmika Mandana) आणि तृप्ती डिमरी (Tripti Dimri) मुख्य भूमिकेत होती. या चित्रपटातील तृप्ती डिमरीच्या कामाचं खूप कौतुक झालं. यात तिची भूमिका छोटी असली तरी तिला चांगलीच लोकप्रियता मिळाली. या चित्रपटानंतर तिच्या कारकिर्दीला चालना मिळाली. या चित्रपटानंतर तृप्तीकडे आता २०२४ मध्ये अनेक मोठे चित्रपट आहेत. धडक २ व्यतिरिक्त ती कार्तिक आर्यनसोबत फक्त भूल भुलैया ३ मध्ये दिसणार नाही तर याशिवाय ती लवकरच दुसऱ्या चित्रपटाच्या शूटिंगला सुरुवात करणार आहे.

काही महिन्यांपूर्वी कार्तिक आर्यनने सोशल मीडियावर एक पोस्ट शेअर करून 'भूल भुलैया ३'मध्ये तृप्तीचे स्वागत केले होते. आता अलीकडील रिपोर्ट्सवर विश्वास ठेवला तर, तृप्ती डिमरी कार्तिक आर्यनसोबत एक नाही तर दोन चित्रपटांमध्ये रोमान्स करणार आहे. अनेक बड्या दिग्दर्शकांसोबत काम करणारी तृप्ती डिमरी आता अनुराग बसू सोबत काम करणार आहे. या चित्रपटात तिच्यासोबत कार्तिक आर्यन दिसणार आहे. कार्तिकसोबतचा हा तिचा दुसरा चित्रपट असेल. अनुराग सध्या त्याच्या मेट्रो... इन दिनो या चित्रपटाच्या शूटिंगमध्ये व्यग्र आहे. त्यानंतर तो ऑगस्टपासून कार्तिक आणि तृप्ती डिमरी स्टारर चित्रपटाचे शूटिंग सुरू करणार आहे.

अद्याप ठरलं नाही शीर्षकहा चित्रपट आशिकी ३ असेल असे म्हटले जातंय. मात्र आशिकी फ्रेंचायझीच्या कॉपीराइटच्या वादानंतर हा चित्रपट बंद झाल्याच्या बातम्या आल्या होत्या. भूषण कुमार त्याच्या टी-सीरीज बॅनरखाली या चित्रपटाची निर्मिती करणार आहेत. हा आशिकी ३ नसला तरी ही मूळ कथा असेल. चित्रपटाच्या म्युझिक अल्बमवर काम सुरू आहे. कार्तिक सध्या अनीस बझ्मी दिग्दर्शित भूल भुलैया ३ चे शूटिंग पूर्ण करण्यात व्यस्त आहे. त्यानंतर तो अनुरागचा चित्रपट सुरू करणार आहे. कार्तिक आर्यनसोबत भूल भुलैया ३ व्यतिरिक्त तृप्ती डिमरी हा अनटायटल्ड चित्रपटासह, धडक २, बॅड न्यूज, विकी विद्या का वो वाला व्हिडिओमध्ये दिसणार आहे.