आतिफने केला अरिजितचा पत्ता कट?

रिजित सिंगचे सध्या चांगले दिवस नाहीत असे दिसतेय. ‘सुल्तान’मधील गाणे वगळण्याची घटना ताजी असतानाच त्याने गायलेले आणखी एक गाणे आता दुसरा सिंगरकडून रेकॉर्ड केले गेले आहे.टायगर श्रॉफचा आगामी सूपरहीरो चित्रपट ‘अ फ्लार्इंग जट’चे प्रोमोशनल गाणे संगीतकार सचिन-जिगर यांनी अरिजितच्या आवाजात रेकॉर्ड केले होते. मात्र, ते ऐकून निर्माते फारसे खुश झाले नाही. त्यांनी अरिजितऐवजी दुसऱ्याकडून ते गाऊन घेण्याची विनंती केली. त्यानुसार मग आतिफ असलमने ते गाणे रेकॉर्ड केले आणि तेच चित्रपटात वापरण्यात येणार असल्याचे कळतेय.सचिन-जिगर यांनी मात्र हे साफ खोटं असल्याचा दावा केला आहे. अरिजितने ‘फ्लार्इंग जट’साठी कोणतेच गाणे गायिले नसून आतिफने त्याला रिप्लेस केलेले नाही. आता खरं काय नि खोटं काय हे त्यांनाच माहित, परंतु भाईजानशी पंगा घेतल्यापासून ‘क्योंकि तुम हो’ सिंगरचे ‘अच्छे दिन’ गेल्याची इंडस्ट्रीमध्ये चर्चा आहे.