अरबाज खान का झाला सलमान खानवर नाराज ?

सध्या अरबाज खान आपल्या भावावर नाराज असल्याचे कळतेय. होय, तुम्ही वाचलात ते खरं आहे अरबाज खान सलमान खानवर नाराज झाला आहे. सलमानकडे अरबाजचा चित्रपट दबंगसाठी वेळ नाही आहे. यागोष्टीला घेऊन अरबाज सलमानवर नाराज आहे की सलमानकडे भावासाठी वेळ नाही आहे.दबंग आणि दबंग 2 या दोन्ही चित्रपट सलमान खान आपल्याला मुख्य भूमिकेत दिसला होता. हे दोन्ही चित्रपट प्रेक्षकांच्या पसंतीस उतरले होते. यादोन्ही चित्रपटांना मिळालेल्या यशानंतर अरबाजने दबंग सिरीजचा तिसऱा भाग तयार करण्याची तयारी सुरु केली आहे. मात्र सलमानकडे चित्रपटासाठी वेळ नसल्याने चित्रपटाचे शूटिंग सुरु होण्यास विलंब होतो आहे.  एका मीडिया रिपोर्टनुसार सलमानला प्रभु देवाच्या चित्रपटात काम करायचे आहे. अली अब्बास जफरचा 'टायगर जिंदा है' चित्रपटाचे शूटिंग संपल्यावर सलमान प्रभुदेवा दिग्दर्शित चित्रपटात दिसणार आहे. सूत्रांनी दिलेल्या माहितीनुसार अरबाज गेल्या अनेक दिवसांपासून 'दबंग 3' दिग्दर्शन करण्याचा प्लॉन तयार करतो आहे. मात्र सलमान खान आधी कबीर खानच्या 'ट्यूबलाइट'च्या शूटिंगमध्ये आणि आता 'टायगर जिंदा है'च्या शूटिंगमध्ये व्यस्त आहे आणि यानंतर तो 'वॉटेंड 2'मध्ये दिसणार आहे. याकारणांमुळे अरबाजला आपल्या चित्रपटची तारीख पुढे ढकलावी लागते आहे. यामुळे अरबाज चांगलाच नाराज झाला आहे. अरबाजच्या करिअरच्या सक्सेसमध्ये सलमानचा सिंहाचा वाटा आहे.    सलमान सध्या आबूधाबीमध्ये टायगर जिंदा है या चित्रपटाचे शूटिंग करतोय. या चित्रपटात त्याच्या अपोझिट कॅटरिना कैफ आहे. सलमानचे या वर्षी 2 चित्रपट प्रेक्षकांच्या भेटीला येणार आहेत. त्यामुळे त्याचे फॅन्स चांगलेच आनंदात आहेत.