बॉलिवूड सुपरस्टार शाहरूख खानचा (Shah Rukh Khan) मुलगा आर्यन खान (Aryan Khan) याला एनसीबीने काल अटक केली. कालची अख्खी रात्र त्याने कोठडीत काढली. शनिवारी मुंबईहून गोव्याला निघालेल्या एका अलिशान ड्रग्ज पार्टीवर (Mumbai Cruise Drugs Party) छापा टाकत, एनसीबीने 8 लोकांना ताब्यात घेतलं होतं. अनेक तास चौकशी केल्यानंतर काल दुपारी एनसीबीने आर्यन खान, अरबाज मर्चंट (Arbaaz Merchantt ) व मुनमुन धमेचा यांना अटक केली होती.या ड्रग्ज प्रकरणात आर्यन खान अडकला. पण त्याच्यापेक्षाही या प्रकरणात अरबाज मर्चंट हे नाव मोठं मानलं जातंय. अरबाज मर्चंट हाच आर्यन खानला त्या अलिशान क्रूझवर घेऊन गेला होता, हे तपासादरम्यान स्पष्ट झालं आहे. हा अरबाज मर्चंट कोण आहे? असा प्रश्न तुम्हालाही पडला असेल.
अरबाज मर्चंट कोण आहे?अरबाज मर्चंट याचा ग्लॅमर इंडस्ट्रीची थेट संबंध आहे. एक अभिनेता अशी त्याची ओळख आहे. इन्स्टाग्रामवर त्याची ब-यापैकी फॅन फॉलोइंग आहे. ग्लॅमर इंडस्ट्रीतील अनेकांसोबत त्याची उठबैस आहे. स्टारकिड्सबरोबर अनेकदा तो पार्टी करताना दिसतो. अरबाज मर्चंट अनेकदा ड्रग पार्ट्यांनाही जातो. त्याच्या फोन चॅटवरून त्याचे ड्रग्ज कनेक्शन उघड झाल्याची माहिती समोर आली आहे. अरबाज हा केवळ आर्यन खानचा मित्र नाही तर आर्यनची बहीण सुहाना खान हिचाही तो मित्र आहे. सुहाना त्याला इन्स्टावर फॉलोही करते. अरबाज मर्चंट कधीकाळी अभिनेत्री पूजा बेदीची मुलगी अलाया हिला डेट करत असल्याची चर्चाही होती. आर्यन व सुहानाशिवाय चंकी पांडेची लेक अनन्या पांडे हिच्यासोबतही अरबाजची चांगली मैत्री आहे. अनेकदा तो तिच्यासोबतही पार्टी करताना दिसला आहे. 30 मे 1995 रोजी जन्मलेला अरबाज अ‍ॅक्टिंगमध्ये करिअर करू इच्छितो. तूर्तास इन्स्टा स्टार अशी त्याची ओळख आहे. इन्स्टावर तो सर्रास हॉलिवूड स्टार काइली जेनरसोबत लग्न करण्याची इच्छा व्यक्त करणाºया पोस्ट टाकतो. फुटबॉलसाठी तो वेडा आहे. एनसीबीच्या चौकशीदरम्यान आर्यन खानने स्वत:ला निर्दोष म्हटलं आहे. आर्यनच्या मते, तो व्हीआयपी गेस्ट म्हणून पार्टीला गेला होता.