बॉलिवूडचा बादशाह शाहरुख खानचा मुलगा आर्यन खान (Aryan Khan) मुंबई क्रूझ रेव्ह पार्टी प्रकरणी अडचणीत आला आहे. त्याचा शुक्रवारी 12 नोव्हेंबरला वाढदिवस होता. परंतू हा वाढदिवस त्याला साजराच करता आला नाही. कारण एनसीबीच्या चौकशीतच त्याचा दिवस संपला. आर्यन खानचा नेमका वाढदिवस 12 नोव्हेंबरला की 13 नोव्हेंबरला याबाबत स्पष्टता नाही. गुगलवर 13 नोव्हेंबरला आर्यनचा वाढदिवस असतो असे दाखविले जात आहे.
आर्यन खानला त्याच्या वाढदिवशीच सायंकाळी 4.45 वाजता चौकशीसाठी नवी मुंबईमध्ये बोलविण्यात आले होते. तो रात्री 11.36 वाजता एनसीबी ऑफिसबाहेर पडला. यामुळे आर्यन खानचा वाढदिवस साजरा करता आला नाही. एनसीबीची विशेष टीम तळोजा येथील सीआरपीएफच्या कार्यालयात आहे. ड्रग्ज पार्टीत सापडल्यानं आर्यनला एनसीबीनं अटक केली. जवळपास तीन आठवडे तो तुरुंगात होता. त्यानंतर त्याला मुंबई उच्च न्यायालयानं जामीन मंजूर केला. ड्रग्ज पार्टी प्रकरणाची सुनावणी उद्याप पूर्ण झालेली नाही. यातून बाहेर पडण्याचा प्रयत्न आर्यनकडून सुरू आहे.
आर्यनचे आतापर्यंतचे वाढदिवस मोठ्या धुमधडाक्यात साजरे झाले आहेत. आर्यन खानचा नेमका वाढदिवस 12 नोव्हेंबरला की 13 नोव्हेंबरला याबाबत स्पष्टता नाही. गौरी खानने गेल्या नर्षी 12 नोव्हेंबरला बर्थडे बॉय... असे कॅप्शन लिहित फोटो पोस्ट केला होता. तर काल जुही चावलाने (Juhi Chawla) आर्यन खानचा लहानपणीचा फोटो पोस्ट करत (थ्रोबॅक) त्याला बर्थडे विश केले आहे. या फोटोमध्ये सुहाना खान, जुहीची मुलगी जहान्वी, जय आदी आहेत. एवढेच नाही तर जुही चावला आर्यनच्या वाढदिनी 500 रोपटी लावणार असल्याचे म्हटले आहे.