BADRINATH KI DULHANIA SONG HUMSAFAR: मनाला शांत करणारे वरुण धवन - आलिया भट्टचे नवीन गाणे

अखिल सचदेवाने ‘हमसफर’ हे गाणे गायिले आणि संगीतबद्ध केलेले आहे. गाण्यात वरुण-आलियाची केमिस्ट्री तर शंभर टक्के परफेक्ट आहे. बद्रीनाथ आणि वैदेहीच्या प्रेमातील छोटे-मोठे प्रसंग या गाण्यातून दिसतात.

वरुण धवन आणि आलिया भट्टची सुपर रोमॅण्टिक जोडी पुन्हा एकदा तुमचे-आमचे मन जिंकण्यासाठी सज्ज झाली आहे. त्यांचा आगामी चित्रपट ‘बद्रीनाथ की दुल्हनिया’ श्रवणीय संगीताची ट्रीट असणार हे तर ट्रेलरमधून कळालेच होते. नव्वदच्या दशकातील सुपरहिट गाणे ‘तम्मा तम्मा’चे नवे डान्स व्हर्जन रिलीज केल्यानंतर निर्मात्यांनी ‘हमसफर’ हे नवीन रोमॅण्टिक गाणे लाँच केले आहे.जीवनात प्रेमाचे आणि साथीदाराचे महत्त्व सांगणारे हे गाणे खरोखरंच सध्या जे बॉलीवूडमध्ये गाणे येत आहेत त्यापासून प्रशंसनीय ‘ब्रेक’ आहे. गाण्यात वरुण-आलियाची केमिस्ट्री तर शंभर टक्के परफेक्ट आहे. ‘कॉफी विथ करण’वर दिसलेली त्यांची आॅफ स्क्रीन केमिस्ट्री आॅन स्क्रीनही जशातशी रिफ्लेक्ट होते.बद्रीनाथ आणि वैदेहीच्या प्रेमातील छोटे-मोठे प्रसंग या गाण्यातून दिसतात. पेप्पी डान्स नंबरहून वेगळ्या अशा या गाण्यात त्या दोघांच्या प्रेमातील हळूवार बाजू दिसून येते. खासकरून वरुणने नुकताच प्रेमात पडलेल्या मुलाचे भाव फार चांगल्या पद्धतीने साकारले आहेत. टिपिकल ‘नॉटी बॉय’ वरुणच्या इमेजला तडा देत त्याने अभिनयाचा नवा पैलू दाखविला आहे.अखिल सचदेवाने हे गाणे गायिले आणि संगीतबद्ध केलेले आहे. विशेष म्हणजे बादशाहने या गाण्यात रॅप केलेले नाही. मसाला चित्रपटासाठी लागणारा सगळा मसाला या चित्रपटात आहे. ‘हमसफर’ला प्रोमोट करण्यासाठी वरुणने इन्स्टाग्रामवर गाण्याची झलक शेअर केली होती. सोबत लिहिले की, ‘या चित्रपटातील माझ्या आवडीपैकी हे एक गाणे आहे. आपल्या आयुष्याच्या प्रवासात कोणीतरी ‘हमसफर’ लागतोच.’त्याचबरोबर आलियाने गाण्याच्या दोन ओळी गाऊन तो व्हिडिओ ट्विट करून वरुणलाही गाण्यासाठी चॅलेंज केले. त्यानेही ते स्वीकारत व्हिडिओ पोस्ट करताना लिहिले की, आलिया तुझ्या चॅलेंजप्रमाणे मी गातोय...की तेरी सास चती जिधर...आता तु पण गा.तर मग तुम्हाला हे गाणे कसे वाटले ते खाली कमेंट बॉक्स लिहून कळवा...► ALSO READ : ​ ‘बद्री’ व त्याच्या ‘दुल्हनिया’सोबत खेळा होळीचे रंग!