या कारणामुळे प्रियांका चोप्राच्या लग्नाच्या बातम्यांना आले उधाण

प्रियांका चोप्राने बॉलीवूड प्रमाणे आज हॉलिवूड मध्ये देखील तिचे एक वेगळे स्थान निर्माण केले आहे. प्रियांकाचे आज जगभर अनेक चाहते आहेत. तिच्या चाहत्यांसाठी एक शॉकिंग न्युज आहे.

बॉलीवूड मधील अनेक आघाडीच्या अभिनेत्री सध्या लग्नबंधनात अडकत आहेत. प्रेक्षकांच्या लाडक्या अनुष्का शर्माने लपून छपून भारतीय क्रिकेट टीमचा कप्तान विराट कोहली याच्या सोबत लग्न केले आणि आता याच महिन्यात अनिल कपूरची लाडकी लेक आणि अभिनेत्री सोनम कपूर तिचा प्रियकर आनंद आहुजा सोबत लग्न करणार असल्याची चर्चा आहे. सोनमच्या लग्नाची चर्चा सुरू असतानाच आणखी एका अभिनेत्रीच्या लग्नाची चर्चा सुरू झाली आहे. प्रियांका चोप्राने बॉलीवूड प्रमाणे आज हॉलिवूड मध्ये देखील तिचे एक वेगळे स्थान निर्माण केले आहे. प्रियांकाचे आज जगभर अनेक चाहते आहेत. तिच्या चाहत्यांसाठी एक शॉकिंग न्युज आहे. प्रियांकाने तिच्या इन्स्टाग्रामला नुकताच एक फोटो शेअर केला आहे. या फोटोत प्रियांकाच्या हातात आपल्याला मंगळसूत्रा प्रमाणे डिझाईन असलेले एक ब्रेसलेट दिसून येत आहे. हे ब्रेसलेट पाहून प्रेक्षकांच्या लाडक्या प्रियांकाने लपून छपून लग्न तर केले नाही ना असा प्रश्न तिच्या चाहत्यांना पडला आहे. मंगळसूत्र गळ्यात घालण्याऐवजी ते हातात घालण्याचा ट्रेंड काही वर्षापासून पाहायला मिळत आहे. अभिनेत्री शिल्पा शेट्टी देखील मंगळसूत्र हातात घालत असल्याचे अनेकवेळा पाहायला मिळते. त्यामुळे प्रियांकाने खरेच लग्न केले आहे की केवळ मंगळसूत्राच्या डिझाईन प्रमाणे दिसणारे एखादे ब्रेसलेट घातले आहे हे केवळ तीच आपल्याला सांगू शकते. प्रियांकाने शेअर केलेल्या फोटोत ती आपल्याला विमानात दिसत असून मी नेहमीच कुठे ना कुठे तरी फिरत असते, अनेक लोकांना भेटत असते. आता मी आसामला जात आहे असे तिने तिच्या इन्स्टाग्रामच्या फोटोसोबत लिहिले आहे.दरम्यान काही दिवसांपूर्वी प्रियांका चोप्रा ‘क्वांटिको’च्या तिसºया सीजनची शूटिंग करताना जखमी झाली होती. प्रियांकाच्या गुडघ्याला दुखापत झाली होती. प्रियांकाने गेल्या शुक्रवारी अमेरिकी शो ‘क्वांटिको’विषयी आपल्या चाहत्यांशी काही गोष्टी शेअर केल्या. प्रियांकाने ट्विट करून लिहिले की, ‘शूटिंगदरम्यान गुडघ्याला दुखापत झाली आहे. माझ्यासोबत सेटवर एक फिजिओलॉजिस्ट आहे. माझ्या गुडघ्याची दुखापत पुढील तीन आठवड्यानंतर ठीक होणार आहे. त्यानंतर एलेक्स क्वांटिकोमध्ये परतणार आहे. Also Read : 'या' बॉलिवूड अभिनेत्रीला मिळाले प्रिन्स हॅरी आणि मेगन मार्कलच्या लग्नाचे आमंत्रण