Besharam Rang Pathaan Movie : शाहरुख खानचा (Shahrukh Khan) बहुप्रतिक्षित सिनेमा पठाणचे पहिले गाणे 'बेशरम रंग' रिलीज झाले आणि सोशल मीडियावर मीम्सचा पाऊस सुरु झाला. बेशरम रंग गाण्यात दीपिकाचा (Deepika Padukone) 'बोल्ड अॅंड ब्युटिफुल' लुक बघुन अनेकांच्या मिश्र प्रतिक्रिया आल्या आहेत. गाणे चोरीचे आहे पासून दीपिकाच्या डान्सवरही टीका करण्यात आली आहे.
'बेशरम रंग' हे गाणे रिलीज झाले आणि यातला दीपिकाचा डान्स बघुन नेटकऱ्यांनी अनेक मीम्स बनवले. गाण्यात दीपिका खुप बोल्ड दिसते हे खरंय मात्र नेटकऱ्यांना डान्सची कोरिओग्राफीच आवडलेली नाही. कोरिओग्राफीवरुन नेटकऱ्यांनी भन्नाट मीम्स शेअर केले आहेत. गाण्याच्या कोरिओग्राफीला पान पराग लक्स चिंटू चिप्स अवॉर्ड दिला पाहिजे अशी कमेंट एकाने केली आहे.
कोरिओग्राफर, दिग्दर्शक, डान्सर नक्की काय विचार करत होते, बॅकग्राऊंड डान्सर तर खुपच विनोदी वाटत आहेत. अंगात देवी आली आहे का अशी उपरोधिक कमेंट एकाने केली आहे.
तर बेशरम रंग हे गाणे गायक जेनच्या माकेबा गाण्याचीच कॉपी आहे असे एका नेटकऱ्याने निदर्शनास आणून दिले आहे.
पठाण रिलीज होण्याआधीच अनेक कारणांनी वादात सापडला आहे. बॉयकॉट पठाण असा ट्रेंडही आता सुरु झाला आहे. २५ जानेवारी रोजी पठाण रिलीज होणार आहे. शाहरुख खान, दीपिका पदुकोण आणि जॉन अब्राहम यांची जादू चालणार का हे बघणे महत्वाचे आहे.