कार्तिक आर्यन हा बॉलिवूडमधील चॉकलेट बॉय. कार्तिक हा तरुणींच्या गळ्यातला ताईत. फार कमी कालावधीत कार्तिकने बॉलिवूडसारख्या झगमगत्या इंडस्ट्रीवर स्वतःची छाप पाडली. कार्तिक आर्यनच्या फॅन्सचे अनेक किस्से बघायला मिळतात. कार्तिकला भेटायला असाच एक फॅन तब्बल ११०० किमी सायकल चालवत मुंबईत त्याला भेटायला आला. त्याचा व्हि़डीओ चांगलाच व्हायरल झालाय.
विरल भयानी पेजने कार्तिकच्या फॅनचा एक व्हिडीओ सोशल मीडियावर शेअर केलाय. व्हिडिओमध्ये दिसणारा मुलगा झाशीचा रहिवासी असल्याचं सांगण्यात येत आहे. त्याने झाशीहून सायकलने तब्बल 1100 किलोमीटरचा प्रवास केलाा. फक्त कार्तिकला भेटण्यासाठी या फॅनने मुंबई गाठली. हा प्रवास पूर्ण करण्यासाठी या फॅनला तब्बल 9 दिवस लागल्याचं बोललं जात आहे. आता हा व्हिडिओ सोशल मीडियावर व्हायरल झाला आहे.
कार्तिक आर्यनच्या वर्क फ्रंटबद्दल बोलायचं झालं तर.. 2023 मध्ये प्रदर्शित कार्तिकचा 'सत्यप्रेम की कथा' हा चित्रपट सुपरहिट झाला. याशिवाय गेल्या अनेक दिवसांपासून कार्तिक कबीर खान दिग्दर्शित 'चंदू चॅम्पियन' या आगामी चित्रपटामुळे चर्चेत आहे. हा चित्रपट याच वर्षी ऑगस्टमध्ये प्रदर्शित होणार आहे. याशिवाय कार्तिक आगामी हंसल मेहताच्या 'कॅप्टन इंडिया' आणि 'भूल भुलैया 3'चाही समावेश आहे.