'बिग बॉस ओटीटी' शोमध्ये उर्फी जावेद स्पर्धक म्हणून झळकली होती. उर्फी जावेद फार काही कमाल दाखवू शकली नाही. त्यामुळे फार कमी वेळात तिला घराबाहेर जावे लागले. शोमध्ये पहिली एलिमिनेट होणारी स्पर्धक उर्फी आहे. शोमधून बाहेर आल्यानंतर ती चर्चेत आहे.बोल्ड लूकमुळे चर्चेत असलेली उर्फी जावेद आहे तरी कोण? तिचा बॉलिवूडशी आहे खास कनेक्शन? तिच्याविषयी जाणून घेण्याची चाहत्यांचीही उत्सुकता वाढली होती. उर्फी जावेदची ओळख खुद्द शाबाना आझमी यांनीची जगासमोर आणली आहे.
नुकताच तिचा एअरपोर्ट लूक पाहून सर्वांच्या भुवया उंचावल्या होत्या. उर्फीचा एरअरपोर्ट व्हिडीओ समोर आल्यानंतर नेटीझन्सने तिला जबरदस्त ट्रोल केले होते.उर्फी एअरपोर्ट दिसताच मीडियाच्या कॅमऱ्यांनी तिला घेरले. यावेळी तिच्या ड्रेसिंग स्टाइलनेच साऱ्यांचे लक्ष वेधून घेतल्याचे पाहायला मिळाले होते.तिची ड्रेसिंग स्टाईलने सर्वांना आश्चर्यचकित केले होते.
व्हिडिओ समोर येताच लोकांनी तिच्या स्टाईलबद्दल प्रश्न विचारण्यास सुरुवात केली. काहींनी तर तिला स्टायलिस्टकडून टीप्स घेण्याची गरज आहे, उंदराने शर्ट कुरतडला की काय असे म्हणत ट्रोल करायाला सुरुवात केली. उलट सुलट कमेंट करत संताप व्यक्त करताना दिसले. इतकेच नाही तर उर्फी बॉलिवूड गीतकार आणि लेखक जावेद अख्तर यांची नात असल्याचे नेटीझन्सने तर्कवितर्क लावत जावेद अख्तर यांच्यावरही निशाणा साधला होता. हा व्हिडीओ प्रचंड ट्रोल झाल्यानंतर अखेर शबाना आझमी यांनीच पुढाकार घेत दोघांच्या नात्यांविषयी सत्य समोर आणले आहे.
सोशल मीडियावर शबाना यांनी जावेद यांचा त्यांच्या नातींबरोबर असलेला फोटो शेअर केला. यांत नातींची नावंही टाकली. ही पोस्ट पाहून चाहत्यांचाही गैरसमज दूर झाला असावा. या पोस्टमुळे उर्फी जावेद अख्तर यांची नातं नसल्याचे सत्य समोर आले आहे. केवळ आडनाव सेम असल्यामुळे नेटीझन्सने उर्फीचे जावेद अख्त यांची नात असल्याचे म्हटले होते. त्यामुळे आता तरी जावेद अख्तर यांची नात उर्फी नसल्याचे स्पष्ट झाले आहे. एअरपोर्ट लूकनंतर उर्फीने पुन्हा तिचा बोल्ड लूक शेअर केला आहे. पुन्हा एकदा तिने तिचा बोल्ड लूक शेअर करत सोशल मीडियावर धुमाकुळ घालत आहे.