​मोठा पडदा गाजवला; आता छोटा पडदा गाजवणार ‘भल्लालदेव’!

‘बाहुबली’ फेम राणा दग्गुबती लवकरच छोट्या पडद्यावर येतोय. होय, छोट्या पडद्यावर येण्यास  राणा सज्ज झाला आहे. ‘नंबर वन यारी विथ राणा’ या चॅट शोमधून राणा छोट्या पडद्यावर पदार्पण करतोय. या  कार्यक्रमाचा टीझर त्याने नुकताच त्याच्या सोशल अकाऊंटवर शेअर केला आहे. ‘तुमच्या आवडत्या कलाकारांसोबत मैत्रीचा आनंद घ्यायला तुमच्या घरी येतोय’, असे टिष्ट्वट त्याने केले आहे.  ‘नंबर वन यारी विथ राणा’हा एक चॅट शो असेल. यात राणा चित्रपटसृष्टीतील सेलिब्रिटींना बोलावून त्यांच्यासोबत मनमोकळ्या गप्पा मारणार आहे.  जेमिनी टीव्हीवर  त्याचा हा चॅट शो प्रसारित होणार आहे. राणाचे चाहते त्याला छोट्या पडद्यावर पाहण्यासाठी खूपच उत्सुक असून ट्विटरवर राणाला या कार्यक्रमासाठी शुभेच्छा देत आहेत. ‘बाहुबली2’नंतर प्रभास, अनुष्का शेट्टी याचप्रमाणे राणा दग्गुबतीची लोकप्रीयताही कमालीची वाढली आहे. त्याची ही लोकप्रीयता कॅश करण्याचे कदाचित मेकर्सने ठरवलेले आहे. त्यामुळेच मोठ्या पडद्यावरच नाही तर छोट्या पडद्यावर दिसण्यास राणा तयार आहे.मोठ्या पडद्याचे म्हणाल तर राणा सध्या ‘नेने राजू, नेने मंत्री’ या तेलगू चित्रपटाच्या शूटींगमध्ये व्यस्त आहे. यात राणा जोगेंन्द्र नावाच्या एका राजकीय नेत्याची भूमिका साकारतो आहे. या चित्रपटात त्याच्यासोबत काजल अग्रवाल मुख्य भूमिकेत आहे. राणाच्या पत्नीची भूमिका काजलने साकारली आहे. राणा -काजल या चित्रपटाच्या निमित्ताने प्रथमच एकत्र येणार आहेत.  ‘बाहुबली2’ मध्ये राणा निगेटीव्ह रोलमध्ये दिसला होता. राणा फक्त एकाच डोळ्याने बघू शकतो.  राणा डाव्या डोळ्याने बघू शकत नाही. लहानपणी राणाला डावा डोळा कोणीतरी डोनेट केला होता. मात्र त्याने तो कधीच बघू शकला नाही. एका तेलगू  रिअ?ॅलिटी शोमध्ये स्वत: राणाने हा खुलासा केला होता.