छोट्या पडद्यावरील 'बिग बॉस' (bigg boss) या रिअॅलिटी शोची सोशल मीडियावर कायमच चर्चा होत असते. वादग्रस्त असलेल्या या कार्यक्रमातून अनेक कलाकार प्रकाशझोतात आले आहेत. यात खासकरुन हा शो जिंकलेल्या विजेत्या सेलिब्रिटींना अनेक चित्रपट, मालिकांच्या ऑफर्सही मिळाल्या आहेत. त्यामुळे सध्याच्या घडीला हा शो म्हणजे कलाविश्वात एन्ट्री करणारी चावी असल्याचं म्हटलं जातं. परंतु, सध्या बिग बॉस ओटीटी विजेत्या अभिनेत्रीचा फोटो सोशल मीडियावर व्हायरल होत आहे. हा फोटो पाहिल्यावर तिची सध्या दुरावस्था झाल्याचं म्हटलं जात आहे.
सध्या सोशल मीडियावर बिग बॉस ओटीटी विजेती आणि अभिनेत्री दिव्या अग्रवाल (Divya Agarwal) हिचा एक फोटो व्हायरल होत आहे. या फोटोमध्ये तिचा लूक प्रचंड चेंज झाला असून तिला ओळखणं देखील कठीण झालं आहे. या फोटोमध्ये तिच्या चेहऱ्यावर सुरकुत्या आल्या असून ती एका सफाई कर्मचाऱ्याच्या वेशात दिसत आहे. त्यामुळे दिव्यावर ही वाईट वेळ नेमकी कशी आली असा प्रश्न चाहत्यांना पडला आहे. मात्र, या फोटोमागील सत्य काहीस वेगळं आहे.
दिव्याचा व्हायरल होत असलेला फोटो पाहिल्यावर तिच्यावर मोठं आर्थिक संकट कोसळ्यासारखं वाटत आहे. मात्र, प्रत्यक्षात असं काहीही झालं नसून तिचा हा लूक एका वेबसीरिजमधील असल्याचं समोर आलं आहे. हा फोटो स्वत: दिव्याने शेअर केला आहे.
अल्ट बालाजीच्या 'कार्टेल' या वेब सीरिजमध्ये विद्या झळकली असून या सीरिजमधील हा तिचा लूक आहे. हा लूक करण्यासाठी तिने एस्थेटिक मेकअप केला होता. त्यामुळे तिच्यात कमालीचा बदल झाल्याचं पाहायला मिळालं.
'कार्टेल' या सीरिजमध्ये दिव्याने एका सिरिअल किलरची भूमिका साकारली होती. त्यामुळे या सीरिजमध्ये तिची वेगवेगळी रुप पाहायला मिळत आहेत. या फोटोमध्ये ती एका रुग्णालयात सफाई कर्मचाऱ्याच्या रुपात दिसत असून तिच्या चेहऱ्यावर वाढत्या वयाच्या खुणा पाहायला मिळत आहेत.
दरम्यान, दिव्या बिग बॉससह 'स्प्लिट्सविला 10' (Splitsvilla 10) मध्येही झळकली आहे. तसंच तिने फिल्म 'रागिनी एमएमएस रिटर्न्स'मध्येही (Ragini MMS Returns) काम केलं आहे. दिव्या खऱ्या आयुष्यात प्रचंड बोल्ड असून वरचेवर तिचे ग्लॅमरस फोटो शेअर करत असते.