बॉलिवूड अभिनेता शाहिद कपूर सध्या यशाच्या शिखरावर आहे. कबीर सिंग चित्रपटातून त्याने प्रेक्षकांना चांगलीच भुरळ पाडली आहे. हा चित्रपट त्याच्या करिअरमधील ब्लॉकबस्टर चित्रपट ठरला आहे. कबीर सिंग चित्रपटानंतर त्याने जर्सीच्या रिमेकसाठी खूप मेहनत घेतली आहे. या चित्रपटाचे शूटिंग नुकतेच पूर्ण झाले आहे. जर्सीचा रिमेक २०२१च्या दिवाळीत भेटीला येणार आहे. या चित्रपटात तो सामान्य कुटुंबातील क्रिकेटरची भूमिका साकारताना दिसणार आहे.
जर्सी चित्रपटाचे काम आटोपल्यानंतर आता शाहिद कपूर राज अँड डीकेची आगामी सीरिजच्या शूटिंगला सुरूवात करणार आहे. या सीरिजमधून तो डिजिटल माध्यमात पदार्पण करतो आहे. या सीरिजच्या शूटिंगला नुकतीच सुरूवात झाली आहे. ताज्या रिपोर्ट्सनुसार शाहिद कपूरने कबीर सिंगचे निर्माते अश्विन वर्देसोबत एका बिग बजेट चित्रपटावर चर्चा केली आहे. हा चित्रपट छत्रपती शिवाजी महाराजांच्या जीवनावर आधारीत आहे.