सोशल मीडियावर सध्या अनेक सेलिब्रिटींच्या बालपणीचे फोटो व्हायरल होत आहेत. यात अनेक कलाकार त्यांच्या जुन्या आठवणींना उजाळा देतात. तर, यात काही फॅन्सदेखील आपल्या आवडत्या कलाकाराचे जुने फोटो सोशल मीडियावर शेअर करत असतात. यामध्येच सध्या बॉलिवूडमधील एका टॉप अॅक्ट्रेसचा फोटो व्हायरल होत आहे. ही अभिनेत्री सध्याच्या घडीला कलाविश्वातील लोकप्रिय अभिनेत्री असून ती प्रोफेशनल वर्कसह पर्सनल कामामुळेही चर्चेत येत असते.
सध्या सोशल मीडियावर व्हायरल होत असलेल्या फोटोमध्ये एक चिमुकली शाळेच्या गणवेशात दिसत असून तिच्या हातात काही सर्टिफिकेट्स आणि मेडल्स दिसत आहेत. त्यामुळे ही चिमुकली सोशल मीडियावर चांगलीच चर्चेत येत आहे. परंतु, शाळेत हुशार असणारी ही चिमुकली अभिनयातही निपूण आहे. त्यामुळेच आज ती बॉलिवूडमधील लोकप्रिय अभिनेत्री म्हणून ओळखली जाते.
सोशल मीडियावर चर्चेत येत असलेल्या फोटोमध्ये दिसणारी ही चिमुकली दुसरी तिसरी कोणी नसून अभिनेत्री दीपिका पदुकोण आहे. ओम शांती ओम, रामलीला, ये जवानी है दिवानी अशा कितीतरी सुपरहिट चित्रपटांमध्ये तिने काम केलं आहे. उत्तम अभिनयामुळे ओळखली जाणारी दिपिका तिच्या अफेअर्समुळेही अनेकदा चर्चेत आली.
दरम्यान, दीपिकाचा हा फोटो सध्या सोशल मीडियावर कमालीचा व्हायरल होत आहे. अलिकडेच ती गहराइयां या चित्रपटात झळकली होती. या चित्रपटातील बोल्ड सीनमुळे ती चांगलीच चर्चेत आली होती.