बॉलिवूडमधील स्टारकिड्सच्या यादीत आता आणखीन एका स्टार किडची भर पडली आहे. आता अर्जुन रामपालची कन्या मिहीका लवकरच बॉलिवूडमध्ये पदार्पण करण्याच्या तयारीत आहे. तिच्याकडे कोणता सिनेमा आला आहे किंवा ती अन्य कोणत्या प्रोजेक्‍टवर काम करण्याच्या तयारीत आहे, हे मात्र समजू शकलेले नाही.
अभिनेता अर्जुन रामपालने याबाबत पुरेशी गोपनीयता बाळगली आहे. आपली कन्या नेहमीच बॉलिवूडमध्ये करिअर करू इच्छिते, असे अर्जुन रामपालने यापूर्वी अनेक वेळा सांगितले होते. तिच्या करिअरसाठी अर्जुनने एखाद्या गॉडफादरला नक्की हाताशी धरले असणार. मात्र त्याचा खुलासा त्याने न केल्यामुळे सध्या याबाबत काहीच अपडेट नाहीत. अर्जुन रामपाल आणि मेहर जेसिया यांच्यातील 20 वर्षांपासूनचे वैवाहिक आयुष्य गेल्या वर्षीच समाप्त झाले आहे.