हिंदी चित्रपटसृष्टीतून एकामागून एक रंजक कथा समोर येत आहेत. कधी चित्रपटाच्या सेटवर नायक-नायिका एकमेकांच्या प्रेमात पडतात, तर कधी दोन व्यक्ती एकमेकांचे शत्रू होतात. इतकंच नाही तर चित्रपटाच्या शूटिंगदरम्यानही अशा अनेक गोष्टी घडतात की ज्याची जोरदार चर्चा रंगते. अशीच एक घटना आता समोर आली आहे.
अशीच एक गोष्ट अभिनेत्री आरती छाब्रिया हिने सांगितली आहे. तिने एका मुलाखतीत सांगितले होतं की, 'लज्जा' चित्रपटाच्या सेटवर रेखा यांनी तिला कानाखाली मारली होती. रिपोर्ट्सनुसार, तिने एका मुलाखतीत सांगितले होतं की, रेखा यांनी शूटिंगदरम्यान तिला मारल्यानंतर ती ढसाढसा रडू लागली होती.
आरतीने वयाच्या तिसऱ्या वर्षी एका जाहिरातीसाठी काम केलं होतं. 2002 मध्ये 'तुमसे अच्छा कौन है' या चित्रपटाद्वारे तिने बॉलिवूडमध्ये पदार्पण केलं. याशिवाय तिने 'आवारा पागल दीवाना', 'राजा भैया', 'तीसरी आँख', 'हे बेबी', 'डॅडी कूल' यांसारख्या बॉलिवूड चित्रपटांमध्ये काम केलं.
बॉलीवूड व्यतिरिक्त, आरतीने कन्नड, तमिळ आणि तेलुगू भाषांमध्येही अनेक चित्रपटांमध्ये तिच्या अभिनयाची जादू पाहायला मिळाली आहे. आरतीने नोव्हेंबर 1999 मध्ये 'मिस इंडिया वर्ल्डवाइड 1999' स्पर्धा जिंकली. एका हिंदी वेबसाईटने याबाबतचे वृत्त दिले आहे.