बॉलिवूड असो किंवा टॉलिवूड, प्रत्येकजण एखादा मोठा सण पाहून चित्रपट रिलीज करण्याच्या प्रयत्नात असतो. यंदाच्या दसऱ्यालाही अनेक चित्रपट रिलीज होत आहेत. अनेक मोठे सुपरस्टार्स बॉक्स ऑफिसवर एकमेकांना टक्कर देण्याच्या तयारीत आहेत. बॉलिवूडपासून टॉलिवूडपर्यंत, अनेक मेगा बजेट चित्रपट चित्रपटगृहात दाखल होतील. यामध्ये साऊथचा सुपरस्टार थलापती विजयचा 'लिओ' आणि बॉलिवूड अॅक्शन हिरो टायगर श्रॉफचा 'गणपथ' या चित्रपटांचाही समावेश आहे. चला जाणून घेऊया 19-20 ऑक्टोबरला कोणते चित्रपट प्रदर्शित होणार.
थलापती विजय साऊथ एंटरटेनमेंट इंडस्ट्रीतील इतके मोठे नाव आहे की, चाहते त्याच्या चित्रपटांची आतुरतेने वाट पाहत असतात. विजयचा चित्रपट रिलीज झाल्यावर तिकीट खिडकीवर लांब रांगा लागतात. त्याचा 'लिओ' हा मोस्ट अवेटेड चित्रपट ऑक्टोबरमध्ये येतोय. या चित्रपटातून विजय आणि लोकेश कनगराज पुन्हा एकदा एकत्र आले आहेत. त्यामुळे या चित्रपटाची चाहत्यांमध्ये मोठी उत्सुकता आहे.
'लिओ' आणि 'गणपत' कधी प्रदर्शित होणार?24 ऑक्टोबरला दसरा आहे. त्याआधी 19 ऑक्टोबरला तलापती विजयचा 'लिओ' प्रदर्शित होत आहे. या चित्रपटात त्याच्यासोबत त्रिशा कृष्णन आणि संजय दत्तदेखील दिसणार आहेत. विजयच्या 'लिओ' चित्रपटासोबत अॅक्शन हिरो टायगर श्रॉफचा 10 वा चित्रपट 'गणपत' 20 ऑक्टोबरला प्रदर्शित होत आहे. टायगरने नुकतेच एका पोस्टरद्वारे ही माहिती दिली आहे.
19-20 ऑक्टोबरला बॉक्स ऑफिसवर टक्करविजयचा 'लिओ' आणि टायगर श्रॉफचा 'गणपत' याशिवाय आणखी अनेक चित्रपट या काळात येत आहेत. लोकप्रियय तेलुगु अभिनेते बालाकृष्णाचा 'भगवत केसरी', कन्नड चित्रपट 'भूत' 19 ऑक्टोबर रोजी चित्रपटगृहात प्रदर्शित होत आहेत. तर 20 ऑक्टोबरला लोकप्रिय तेलुगु अभिनेता रवी तेजा याचा 'टायगर नागेश्वरा राव' आणि कन्नडचा 'SSE साइड बी' प्रदर्शित होत आहेत. तेलुगु भाषेतील दोन सुपरस्टारदेखील दसऱ्याच्या मुहूर्तावर एकमेकांना भिडणार आहेत.