​‘बाहुबली’ची ‘देवसेना’ स्वीकारणार का बॉलिवूडची ‘ही’ आॅफर?

दिग्दर्शक एस.एस. राजमौली यांचा ‘बाहुबली2’ तुम्ही पाहिला असेलच. सोबतच या चित्रपटातील साऊथच्या एकापेक्षा एक दिग्गज कलाकारांना बॉलिवूडमध्ये पाहण्याची इच्छाही तुमच्या मनात निर्माण झाली असेल. आम्ही तुमची ही इच्छा पूर्ण तर करू शकत नही. पण तुमची ही इच्छा कोण पूर्ण करणार, हे तुम्हाला नक्की सांगू शकतो. होय, बॉलिवूडचे सुप्रसिद्ध निर्माते बोनी कपूर लवकरच ‘बाहुबली’ची ‘देवसेना’ अर्थात अनुष्का शेट्टीला लॉन्च करू शकतात. बोनी कपूर यांनी अनुष्काला बॉलिवूडमध्ये लॉन्च करण्याची पूर्ण तयारी केली आहे. प्रतीक्षा आहे ती केवळ अनुष्काच्या होकाराची. अनुष्काने बोनी कपूरचा प्रस्ताव स्वीकारलाच तर अनुष्काचा बॉलिवूड डेब्यू ठरलेला आहे.खरे तर बोनी कपूरची पत्नी अर्थात श्रीदेवी अनुष्काला राजी करण्यात मोठी भूमिका साकारू शकते, असेही मानले जात आहे. होय, साऊथमध्ये श्रीदेवीच्या नावाचा मोठा दबदबा आहे. मोठ मोठ्या दिग्गजांशी तिचा परिचय आहे. या परिचयाच्या मदतीने ती अनुष्काला पती बोनीच्या चित्रपटात काम करण्यासाठी राजी करू शकते. अर्थात याऊपरही सगळे काही अनुष्काच्या होकारावर अवलंबून आहे. ‘बाहुबली2’ रिलीज झाल्यापासून अनुष्काजवळ बॉलिवूड आॅफर्सचा पूर आलाय. आदित्य चोप्रा, विधू विनोद चोप्रा अशा अनेक बड्या प्रोड्यूसर व दिग्दर्शकांनी अनुष्काला आपल्या चित्रपटाची आॅफर दिली आहे. अर्थात अनुष्काने अद्याप एकही आॅफर स्वीकारलेली नाही. तिला वेळ हवा आहे. बॉलिवूड डेब्यूसाठी अगदी विचारपूर्वक चित्रपटावची निवड करण्याची तिची योजना आहे.ALSO READ : ब्लॉकबस्टर ‘बाहुबली-२’मध्येही झाल्या चुका!अनुष्काने ‘बाहुबली2’मध्ये देवसेनाची भूमिका साकारली होती. महेन्द्र बाहुबलीची पत्नी बनलेल्या अनुष्काचा अभिनय निश्चितपणे प्रसंशनीय असाच आहे. तिची व प्रभासची आॅनस्क्रीन केमिस्ट्रीही अशीच प्रशंसनीय आहे.