चिंटू अंकल ऋषी कपूर प्रिया वारियरवर झाले फिदा; म्हटले, ‘आशिक बनाया आपने’!

ऋषी कपूर सध्या व्हायरल गर्ल प्रिया वारियरवर फिदा झाले आहेत. तिचे कौतुक करताना ते थांबत नसताना दिसत आहेत, वाचा त्यांनी केलेले ट्विट!

अभिनेते ऋषी कपूर यांच्या ‘कर्ज’ या चित्रपटातील ‘दर्दे दिल दर्दे जिगर, दिल में जगाया आपने’ हे गीत आजही त्यांच्यावर एकदम फिट बसते. कारण पुन्हा एकदा ऋषी कपूर यांच्या मनात प्रेमांकुर फुलले असून, ते एका अभिनेत्रीचे अक्षरश: दिवाने झाले आहेत. ज्या अभिनेत्रीवर सध्या संपूर्ण देश लट्टू झाला आहे, तिच्यावर ऋषी कपूूरही लट्टू झाले आहेत. होय, तुम्ही अगदी बरोबर विचार करीत आहात, आम्ही प्रिया प्रकाश वारियरबद्दल बोलत आहोत. सध्या ऋषी प्रियाचे कौतुक करताना अजिबातच थांबत नसल्याचे दिसत आहेत. ऋषी कपूरच्या भावना अशा काही उचंबळून वाहत आहेत की, त्यांना थांबविणे सध्या अवघड दिसत आहे. त्यामुळेच आम्ही सुरुवातीला म्हटल्याप्रमाणे ‘दर्दे दिल दर्दे जिगर, दिल में जगाया आपने’ हे गीत त्यांच्यावर अगदी तंतोतंत बसत आहे. ऋषी यांनी ट्विटच्या माध्यमातून आपल्या भावना व्यक्त करताना म्हटले की, ‘मी ही मुलगी प्रिया वारियरच्या स्टारडमविषयी एक भविष्यवाणी करतो. ती एक्स्प्रेशन खूपच सुंदर पद्धतीने देते. नखरेबाज असतानाही ती इनोसेंट दिसते.’ यावेळी ऋषी यांनी, ‘माझ्या काळात तू का आली नाहीस?’ असा प्रश्नही विचारला.  

}}}} ">I predict huge Stardom for this girl. Priya Warrier. So expressive,coy coquettish yet innocent. My dear Priya, you going to give all others in your age group a run for their money. God Bless and the best to you! Mere time mein naheen ayeen aap! Kyon? Lol pic.twitter.com/laYL1YE3Me— Rishi Kapoor (@chintskap) February 16, 2018

व्हॅलेंटाइन वीकमध्ये प्रिया प्रकाश वारियरचा एक व्हिडीओ व्हायरल झाला होता. ज्यामध्ये ती डोळ्यांनी इशारा करून प्रेम व्यक्त करते. व्हिडीओमधील तिचे एक्स्प्रेशन कमालीचे असून, त्यामुळे सध्या तरुणाई घायाळ झाली आहे. प्रियाचा हा व्हिडीओ तिच्या आगामी ‘ओरू आधार लव’ या मल्याळम चित्रपटातील आहे. प्रिया चित्रपटातून डेब्यू करीत आहे. चित्रपटाचा टीजर रिलीज करण्यात आला असून, त्यास प्रेक्षकांकडून जबरदस्त प्रतिसाद मिळत आहे. या व्हिडीओमुळे प्रिया रातोरात सुपरस्टार बनली आहे.