‘दंगल’ गर्ल फातिमा सना शेख हिने बिकिनीमध्ये लावली आग!

‘दंगल गर्ल’ फातिमा सना शेख हिचा जगासमोर असा काही अवतार आला की, सर्वच दंग राहिले आहेत. ‘दंगल’मध्ये आघाड्यात भल्याभल्यांना चित करणारी सना समुद्रकिनारी स्विमसूटमध्ये आग लावताना दिसत आहे. सनाचा हा अवतार या अगोदरच कधीच बघावयास मिळाला नसल्याने सगळ्यांनाच त्याचे आश्चर्य वाटत आहे. विशेष म्हणजे फातिमानेच तिचा हा नवा लूक जगासमोर आणला आहे. तिने तिच्या इन्स्टाग्राम अकाउंटवर काही बिकिनी फोटो शेअर केले आहेत. काळ्या रंगाच्या स्विमसूटमध्ये फातिमा खूपच हॉट दिसत आहे. फातिमाने हे फोटो ‘जीक्यू इंडिया’च्या जून एडिशनसाठी शूट केले आहेत. खरं तर फातिमा नेहमीच तिचे फोटो इन्स्टावर शेअर करीत असते. आपल्या सौंदर्याने अनेकांना घायाळ करणाºया फातिमाचे इन्स्टावरील फोटोज नेहमीच चर्चेत राहिले आहेत. परंतु यावेळेस तिने शेअर केलेल्या फोटोंमध्ये खूपच बोल्डनेस असल्याने ती सध्या सोशल मीडियावर चर्चिली जात आहे. या अगोदरदेखील फातिमाने ‘फेमिना’ साप्ताहिकासाठी फोटोशूट केले होते. या फोटोशूटमध्ये तिला नवरीच्या रूपात दाखविण्यात आले होते. तिचे हे फोटो त्यावेळी खूपच पसंत केले गेले.  ‘दंगल’च्या यशानंतर फातिमा सध्या आमीरच्याच ‘ठग्स आॅफ हिंदोस्तान’ या चित्रपटात एक महत्त्वाची भूमिका साकारताना बघावयास मिळणार आहे. या चित्रपटात आमीर आणि फातिमा व्यतिरिक्त महानायक अमिताभ बच्चन आणि कॅटरिना कैफ यांच्याही महत्त्वाच्या भूमिका आहेत. या चित्रपटाला विजय कृष्णा  आचार्य हे दिग्दर्शित करीत आहेत. या चित्रपटाविषयी सध्या चाहत्यांमध्ये प्रचंड उत्सुकता आहे. पुढच्या महिन्यात या चित्रपटाच्या शूटिंगला सुरुवात केली जाणार आहे. खरं तर ‘ठग्स आॅफ हिंदोस्तान’ या चित्रपटाची रिलीज डेट अद्यापपर्यंत निश्चित केलेली नाही; मात्र असे म्हटले जात आहे की, हा चित्रपट दिवाळीच्या पार्श्वभूमीवर रिलीज केला जाण्याची शक्यता आहे. गेल्या काही दिवसांपासून या चित्रपटाविषयी दररोज वेगवेगळ्या बातम्या समोर येत आहेत. हा चित्रपट ‘पायरेट्स आॅफ केरिबियन’ या चित्रपटावर आधारित असल्याचे बोलले जात आहे. नुकतेच चित्रपटाच्या सेटचे फोटो समोर आले असून, त्यात ‘पायरेट्स आॅफ केरिबियन’ या हॉलिवूडपटाची झलक बघावयास मिळत आहे.