बॉलिवूडचा किंग शाहरुख खान व बॉलिवूडची बबली गर्ल आलिया भट्ट यांचा आगामी ‘डिअर जिंदगी’या चित्रपटाची चांगलीच चर्चा सुरू आहे. ‘डिअर जिंदगी’मध्ये कलम हसन व श्रीदेवीच्या गाजलेल्या ‘सदमा’ या चित्रपटातील ‘ये जिंदगी गले लगा ले’ हे गाणे नव्या अंदाजात पहायला मिळणार आहे. हे गाणे नुकतेच रिलीज करण्यात आले आहे. ‘डिअर जिंदगी’मध्ये ‘ये जिंदगी गले लगा ले’ हे गाणे अरिजित सिंगने गायले आहे. ‘सदमा’ या चित्रपटातील ‘ये जिदंगी गले लगा ले’ हे गाणे आजही लोकप्रियतेच्या शिखरावर आहे. ईलया राजा यांनी संगीतबद्ध केलेल्या या गाण्याला सुरेश वाडकर यांनी आपल्या आवाजाने एका वेगख्याच उंचीवर नेऊन ठेवले आहे. हेच गाणे पुन्हा नव्याने ‘डिअर जिंदगी’ चित्रपटात सादर करण्यात आले आहे. अरिजीत सिंह याने त्याच्यापरीने हे गाणे चांगले गाण्याचा प्रयत्न केला आहे. दोन्ही गायकांत तुलना करणे योग्य होणार नाही. मात्र अरिजितने आपल्या परिने हे गाणे गाताना नाविण्याचा शोध घेतला आहे. यामुळे हे गाणे अनेकांना आवडणारे ठरू शकते. गौरी शिंदे दिग्दर्शित डिअर जिंदगी हा चित्रपट स्त्रीच्या भावना विश्वाचा शोध घेणारा असल्याचे सांगण्यात येते. आलिया भट्टने यात प्रमुख भूमिक ा केली असून शाहरुख खान तिचा मार्गदर्शक म्हणून पहायला मिळेल. यासोबतच या चित्रपटात कुणाल कपूर, अली जफर व अंगद बेदी यांच्याही प्रमुख भूमिका आहेत. लवकरच हा चित्रपट प्रदर्शित होणार असल्याने शाहरुख व आलिया याचे जोरदार प्रमोशन करीत आहेत. नव्या स्वरूपातील ‘ये जिंदगी’ गाणे पाहुयाच...

सलमान खान

'पुष्पा २' बद्दल अपडेट्स

'सिंघम अगेन'ची हवा

'भूल भूलैय्या ३'ची चर्चा

डिअर जिंदगीमध्ये नव्या रूपात असेल ‘ये जिंदगी गले लगा ले’