​दीपिका पादुकोणमुळे कॅटरिना कैफचा पत्ता कट?

दीपिका पादुकोण सध्या जोरात आहे. ‘ट्रिपल एक्स : रिटर्न आॅफ झेंडर केज’ या हॉलिवूडपटानंतर दीपिका जागतिक पातळीवर ओळखली जाऊ लागली आहे. या हॉलिवूडपटाला भारतात फारसे प्रेक्षक मिळाले नाहीत. पण अन्य देशांत या चित्रपटाने धम्माल केलीय आणि विशेष म्हणजे, यातील दीपिकाच्या कामाचे वारेमाप कौतुक होतेय. विदेशी मीडियानेही दीपिकाची दखल घेत, तिची प्रशंसा केलीय. आता याचा काही तर फायदा होणारच ना? नेमका फायदाच झालाय. एका इंटरनॅशनल कॉस्मेटिक ब्रँडने दीपिकाला ब्रँड अ‍ॅम्बेसेडर नेमल्याची तयारी चालवली असल्याची खबर आहे. सोनम कपूर आणि ऐश्वर्या राय बच्चन या ब्रँडशी जुळलेल्या आहेत. शिवाय कॅटरिना कैफ ही सुद्धा या ब्रँडशी कनेक्ट आहे. पण आता दीपिका आल्यामुळे कॅटरिनाचा पत्ता कट झालाय. कॅटरिना कैफचा कॉन्ट्रक्ट अर्थात करार संपला आणि संबंधित ब्रँडने दीपिकासोबत नवा कॉन्ट्रक्ट साईन करण्याचा निर्णय घेतलाय. या ब्रँडमुळे कॅटरिना आपला कान्स डेब्यू करू शकली होती. येत्या काळात ही संधी कॅटरिना ऐवजी दीपिकाला मिळण्याची शक्यता आहे. असे झालेच तर दीपिकापेक्षा नशीबवान कोण ठरणार? कारण कान्सच्या रेड कार्पेटवर उतरणे म्हणजे संपूर्ण हॉलिवूडच्या डोळ्यात भरणे. आता या ब्रँडच्या निमित्ताने दीपिकासाठी संधीची कुठली कवाडे उघडतात, ते बघणे इंटरेस्टिंग ठरणार आहे.ALSO READ : कुणासोबत झाली कॅटरिना कैफची ‘दोस्ती’! दीपिका पादुकोण म्हणते, मी लग्नासाठी तयार नाहीदीपिका पादुकोण सध्या ‘पद्मावती’मध्ये बिझी आहे. याऊलट कॅटरिनाने  अलीकडे ‘जग्गा जासूस’ हा सिनेमा हातावेगळा केलायं. लवकरच ती ‘एक था टायगर’चा सीक्चेल ‘टायगर जिंदा है’मध्ये दिसणार आहे. कॅटरिनाचे सिने करिअर सध्या फारसे समाधानकारक नाही. यापूर्वी आलेले तिचे दोन-तीन सिनेमे बॉक्सआॅफिसवर दणकून आपटले. कदाचित ब्रँडने कॅटरिनाचा कॉन्ट्रक्ट वाढवण्यास नकार दिला, त्यामागेही हेच कारण असणार?