दीपिका पादुकोणचा चित्रपट सपना दीदीचे टायटल बदलणार ?

कालच दीपिका पादुकोणच्या पद्मावती चित्रपटाचा ट्रेलरचे 3 डी मध्ये लाँच करण्यात आला. याठिकाणी दीपिकाने हजेरी लावत अनेकांना आश्चर्याचा धक्का दिला. पद्मावतीमध्ये दीपिका राणी पद्मावतीची भूमिका साकारणार आहे. याचित्रपटाची वाट दीपिकाचे फॅन्स मोठ्या आतुरतेने बघतायेत. पद्मावतीनंतर दीपिका आपल्या पुढच्या चित्रपटाच्या शूटिंगला सुरुवात करणार आहे. याचित्रपटाचे नाव आधी सपना दीदी ठेवण्यात आले होते. मात्र बॉलिवूड लाईफच्या रिपोर्टनुसार या चित्रपटाच्या नावात बदल करण्यात येण्याची शक्यता आहे. यात दीपिकासोबत इरफान खान मुख्य भूमिकेत दिसणार आहे. इरफानच्या म्हणण्यानुसार चित्रपटाची कथेप्रमाणे सपना दीदी हे टायटल फिट बसत नाही आहे. त्यामुळे निर्माता आता या चित्रपटाचे नाव बदलण्याचा विचार करतायेत.     हा चित्रपट एक सत्य घटनेवर आधारित आहे. रहिमा खान नावाची लेडी डॉन सपना दीदीच्या नावाने फेमस होती. रहीमाने आपल्या नवऱ्याच्या खूनचा बदला घेण्यासाठी अंडरवर्ल्ड डॉन दाऊद इब्राहिमला मारण्याचा प्लॉन आखला होता. मात्र यात तिचाच मृत्यू झाला. चित्रपटात रहिमाची भूमिका दीपिका पादुकोण साकारणार आहे. पद्मावतीचे काम संपल्यानंतर दीपिका या चित्रपटाच्या शूटिंगला सुरुवात करणार आहे. सपना दीदी हे नाव बदलल्यानंतर चित्रपटाला काय नवीन नाव देण्यात येईल याचा पत्ता अजून लागला नाही आहे. हनी त्रेहान या चित्रपटाचे  दिग्दर्शन करणार आहे तर  चित्रपटाची निर्मिती विशाल भारद्वाज करणार आहेत. इरफान खान सध्या त्याचा आगामी चित्रपट 'करीब करीब सिंगल'च्या प्रमोशनमध्ये सध्या व्यस्त आहे. मुंबईत या चित्रपटाच्या प्रमोशन दरम्यान इरफानने सपना दीदीचे टायटल बदलणार असल्याचे सांगितले. या चित्रपटात दीपिका पादुकोणसोबत स्क्रिन शेअर करण्यासाठी इरफान खान उत्सुक असल्याचे त्यांने सांगितले होते.  हिंदी मीडियमच्या यशानंतर इरफानचे फॅन त्याच्या 'करीब करीब सिंगल'च्या रिलीजची वाट बघतायेत. हा चित्रपट आधुनिक नात्या संबंधावर आधारित आहे. यात त्याच्यासोबत मल्याळम अभिनेत्री पार्वती दिसणार आहे. यात चित्रपटात ऑनलाईन डेटिंग याविषयावर भाष्य करण्यात आले आहे.