एका मुलीच्या आईसाठी धनुषनं मोडला १८ वर्षांचा सुखी संसार? आता दुसऱ्यांदा बांधतोय लग्नगाठ; झाला खुलासा

दाक्षिणात्य अभिनेता धनुष (Dhanush) सध्या त्याच्या वैयक्तिक आयुष्यामुळे चर्चेत आहे. तो आणि ऐश्वर्या रजनीकांत (Aishwarya Rajinikant) त्यांच्या घटस्फोटामुळे चर्चेत आहेत. मीडिया रिपोर्ट्सनुसार, दोघांनीही कोर्टात घटस्फोटाची याचिका दाखल केली आहे. अशा परिस्थितीत धनुष दुसऱ्यांदा लग्न करणार असल्याच्या बातम्या येत आहेत. तसे असेल तर त्याने दुसऱ्या लग्नासाठी पत्नीला सोडले का असा प्रश्न उपस्थित होत आहे.

दाक्षिणात्य अभिनेता धनुषने ऐश्वर्या रजनीकांतसोबतचे १८ वर्षे जुने नाते संपवले आहे. हे दाम्पत्य दोन मुलांचे पालक आहे. पण आता १८ वर्षे जुने नाते संपुष्टात येण्याच्या मार्गावर आहे. धनुषच्या घटस्फोटाची बातमी व्हायरल होत आहे. मात्र, या प्रकरणाबाबत अभिनेत्याच्या वतीने काहीही सांगण्यात आलेले नाही. दरम्यान, धनुष दुसऱ्यांदा लग्नाच्या तयारीत असल्याचे बोलले जात आहे.

धनुष मल्याळम अभिनेत्रीसोबत लग्नाच्या तयारीत आहे. ती दुसरी कोणी नसून एका मुलीची आई आहे. तसेच आधीच विवाहित आणि विधवा. कॉलिवूड अभिनेता बलवान रंगनाथनने धनुषच्या दुसऱ्या लग्नाचा खुलासा केला आहे. धनुष लवकरच लग्नबंधनात अडकणार असल्याचे त्याने म्हटल्याचे मीडिया रिपोर्ट म्हटले जात आहे.

अभिनेता बलवानने एका यूट्यूब चॅनलद्वारे याचा खुलासा केला आहे. तो म्हणाला की मल्याळम अभिनेत्री मीना धनुषची वधू बनेल. घटस्फोटानंतर धनुष दुसरं लग्न करणार आहे. अभिनेत्री मीनाच्या पतीचे काही महिन्यांपूर्वी निधन झाले होते. विद्यासागर यांच्याशी तिचा विवाह झाला होता. पतीच्या निधनानंतर ती आपल्या मुलीसोबत एकटीच राहत होती. धनुष आणि मीना या वर्षी जुलै महिन्यात लग्नबंधनात अडकणार असल्याचे बोलले जात आहे.