प्रियांका चोप्राच्या या ड्रेसची किंमत तुम्हाला माहिती आहे का ?

मुकेश अंबानींच्या पार्टीत ऐश्वर्या राय बच्चनने परिधान केलेल्या ड्रेसची चर्चा ताजी असतानाच. आता प्रियांका चोप्राच्या ड्रेसचीही चर्चा व्हायला लागली आहे. ‘पेंग्विन रॅण्डम हाऊस’च्या एका कार्यक्रमामध्ये प्रियांका पिंक कलरचा ड्रेस परिधान करत सगळ्यांचे लक्ष वेधले आहे. दिल्लीत झालेल्या या कार्यक्रमात अनेकांना प्रियांकावर नजरा हटवणे कठिण झाले होते.  गुलाबी रंगाच्या स्टायलिश लूकमध्ये प्रियांका या ठिकाणी स्पॉट झाली. प्रियांकाच्या या सुंदर दिसण्यामागे अमी पटेल मोठा वाटा आहे. तिने सर्जिओ हुडसन्स फुशिया वूल क्रेप जम्पसूट घातला होता. या जम्पसूटवर सोनेरी रंगाची बटणं लावण्यात आलेली होती. यावर तिने त्याच रंगाचा व्हेलवेट कॉलर असलेला मोठा कोट घातला होता. हा लूक पूर्ण करण्यासाठी तिने पांढऱ्या रंगाच्या हिल्स घालण्यास प्राधान्य दिले.  या ड्रेसची किंमत तब्बल दोन लाख रुपये असल्याचे कळते आहे. काही दिवसांपूर्वी पाच मिनिटांच्या परफॉर्मेन्ससाठी प्रियांकाने पाच कोटी मागितल्याने ती चर्चेत आली होती. आता तिच्या महागड्या ड्रेसची चर्चा सगळीकडे आहे. यावेळी पहिल्यांदा तिने यावर भाष्य केले. प्रियांका म्हणाली,'' मला हसू येते कि हिरो जेव्हा मोठी रक्कम मागतात त्यावेळी त्यांच्यावर प्रश्न उपस्थित केले जात नाहीत. मला चेकवर लागण्याऱ्या प्रत्येक शून्याची किंमत आहे.'' ती पुढे म्हणाली '' मी इथपर्यंत मेहनत करुन आले आहे. मी तोंडात चांदीच्या चमच्या घेऊन जन्मलेली नाही.''प्रियांका चोप्रा सध्या भारतात आली आहे.  बरेली विद्यापीठाने प्रियांकाला डॉक्टरेट देऊन गौरविले आहे. सामाजिक कार्यातील योगदानासाठी प्रियांकाला मानद डॉक्टरेटने सन्मानित करण्यात आले. विवाह, हुंडा प्रथा, शिक्षण, स्वच्छता अशा अनेक मुद्यांवर ती काम करतेय. याशिवाय प्रियांकाचे एक फाऊंडेशन आहे. या फाऊंडेशनने ८० मुले दत्तक घेतली आहेत. या मुलांच्या शिक्षणाचा संपूर्ण खर्च प्रियांकाने उचलला आहे. यासाठी तिला डॉक्टरेट देऊन सन्मानित करण्यात आले.  ALSO RAED :  प्रियांका चोप्रा नाही, डॉक्टर प्रियांका चोप्रा म्हणा!!प्रियांका चोप्रा आमिर खानसोबत चित्रपटात दिसणार असल्याची चर्चा आहे. आमिरच्या सैल्यूट' चित्रपटाचा भाग बनू शकते. यात  आमीर खान अंतराळवीर राकेश शर्मा यांची भूमिका साकारणार आहे. याच चित्रपटात प्रियांका त्याच्या पत्नीची भूमिका साकारणार आहे. याचे दिग्दर्शन महेश मथाई करणार आहेत.