सोशल मीडियावर दररोज काही ना काही फोटो व्हायरल होत असतात. सध्या बॉलिवूड सेलिब्रिटींचे बालपणीचे फोटो सोशल मीडियावर खूप ट्रेंडमध्ये आहेत. हे फोटो समोर येताच चाहते त्यांची ओळख पटवण्याचा आटोकाट प्रयत्न करत आहेत. आतापर्यंत अनेक सेलिब्रिटींचे बालपणीचे फोटो सोशल मीडियावर व्हायरल झाले आहेत. या यादीत आणखी एका सेलिब्रिटीच्या नावाची भर पडली आहे. नुकताच व्हायरल झालेला फोटो पाहून तुम्हालाही नाव सांगता येणार नाही.
फोटोमध्ये तुम्ही बघू शकता की काही महिन्यांचे बाळ पाहायला मिळतं आहे आणि तिच्या शेजारी एक लहान मुलगी गालावर हात ठेवून हसताना दिसत आहे. मुलीच्या शेजारी गालावर हात ठेवून हसणारी मुलगी कोण हे ओळखलंत का? या मुलीने धर्मा प्रॉडक्शनमधून आपल्या करिअरची सुरुवात केली आहे. ही मुलगी दुसरी कोणी नसून अनन्या पांडे आहे. फोटोमध्ये अनन्या पांडे (Ananya Panday) तिच्या चुलत बहिणीसोबत दिसत आहे.
फोटोत दोघेही खूप क्यूट दिसत आहेत. वर्क फ्रंटबद्दल बोलायचे झाले तर, अनन्या पांडे नुकतीच 'गहराइयां' या चित्रपटात दिसली होती. अनन्याशिवाय या चित्रपटात दीपिका पदुकोण आणि सिद्धांत चतुर्वेदी यांच्याही महत्त्वाच्या भूमिका होत्या. याशिवाय, अनन्या पांडे बॉलिवूड अभिनेता ईशान खट्टरला डेट करण्यासाठी चर्चेत आहे. मात्र, दोघांनीही अद्याप त्यांचे नाते अधिकृत केलेले नाही.