फोटोत भावासोबत दिसणारी दात पडक्या चिमुरडीला ओळखलंत का?, आज आहे बॉलिवूडमधील सर्वात महागडी अभिनेत्री

सोशल मीडियावर सध्या एक फोटो व्हायरल होताना दिसत आहे. या फोटोत एक चिमुरडी पाहायला मिळते आहे जिचे दात तुटलेले आहेत. ही चिमुरडी सध्या बॉलिवूडमधील सर्वात महागड्या अभिनेत्रींपैकी एक आहे.

सध्या बॉलिवूड सेलिब्रिटींच्या बालपणीचे फोटो सोशल मीडियावर प्रचंड व्हायरल होत आहेत. हे फोटो पाहून हा सेलिब्रिटी कोण आहे हे ओळखणे कठीण होत आहे. दररोज बॉलिवूडचे चाहते कोणत्या ना कोणत्या स्टार्सचे फोटो शेअर करत असतात, त्यांना ओळखताना चाहत्यांना घाम फुटतो. पुन्हा एकदा असाच एक फोटो सोशल मीडियावर व्हायरल होत आहे. व्हायरल होत असलेल्या फोटोमध्ये एक मुलगी तिच्या भावासोबत दिसत आहे. साधना हेअरकट आणि तुटलेले दात अशी दिसणारी ही मुलगी आजच्या काळातील बॉलिवूडमधील सर्वात महागड्या अभिनेत्रींपैकी एक आहे.

ही चिमुरडी दुसरी तिसरी कोणी नसून कबीर सिंगमधील अभिनेत्री कियारा आडवाणी (Kiara Advani) आहे. सोशल मीडियावर कियारा आडवाणीची फॅन फॉलोविंग खूप मोठी आहे. अभिनेत्रीच्या फॅशन सेन्सनेही लोकांना भुरळ घातली आहे. कियारा तिचे फोटो सोशल मीडियावर शेअर करत असते.

कियारा आडवाणीच्या खासगी आयुष्याबद्दल सांगायचे तर, सध्या ती बॉलिवूड अभिनेता सिद्धार्थ मल्होत्राला डेट करत असल्याची चर्चा आहे. बऱ्याचदा ते एकत्र स्पॉट होतात. जरी दोघांनी अद्याप आपले नाते अधिकृत केले नाही. कियाराच्या वर्कफ्रंटबद्दल सांगायचे तर लवकरच ती भूल भुलैया २ आणि जुग जुग जिओमध्ये दिसणार आहे.