बॉलिवूड अभिनेता आयुष्मान खुराना आणि अनन्या पांडे यांचा मोस्ट अवेटेड चित्रपट 'ड्रीम गर्ल 2' 25 ऑगस्टला म्हणजेच उद्या सिल्व्हर स्क्रीनवर रिलीज होणार आहे. हा चित्रपट पाहण्यासाठी चाहते खूप उत्सुक आहेत. 'ड्रीम गर्ल 2' मध्ये अभिनेता आयुष्मान खुराना पुन्हा एकदा पूजाच्या भूमिकेत प्रेक्षकांची मनं जिंकताना दिसणार आहे. नुकतेच या चित्रपटाचे स्क्रिनिंग पार पडले. ज्यात अनन्या पांडेला चिअर अप करण्यासाठी तिची बेस्ट फ्रेंड सुहाना खान, नव्या नंदा आणि शनाया कपूरसह अनेक सेलेब्स आले होते. पण या सगळ्यात सगळ्यांचं लक्ष वेधून घेतलं ते आदित्य रॉय कपूरच्या उपस्थितीने.
आदित्य रॉय कपूरही 'ड्रीम गर्ल 2'च्य स्क्रिनिंग आला होता. ड्रीम गर्ल 2 च्या स्क्रिनिंगचा व्हिडिओ सोशल मीडियावर व्हायरल होत आहे. व्हिडिओमध्ये अनन्या एकटीच पोज देताना दिसत आहे. त्यानंतर पापाराझी तिला रुमर्ड बॉयफ्रेंड आदित्य रॉय कपूरसोबत पोज देण्यास सांगितले. अनन्या लाजून थिएटच्या दिशेने निघून गेली.
गेल्या काही दिवसांपासून बी-टाऊनमध्ये आदित्य अनन्या या नव्या लव्हबर्डची जोरदार चर्चा आहे. मीडिया रिपोर्ट्सनुसार, आदित्य रॉय आणि अनन्या पांडे एकमेकांना डेट करत आहेत. मात्र, आतापर्यंत दोघांनीही या प्रकरणावर मौन सोडलेले नाही. आदित्य आणि अनन्या अनेकदा एकत्र स्पॉट झाले आहेत. दोघे काही दिवसांपूर्वी युरोपमध्ये व्हॅकेशनवर सुद्धा एकत्र गेले होते. यादरम्यानचे दोघांचे फोटो सोशल मीडियावर जोरदार व्हायरल झाले होते.
'ड्रीम गर्ल २'बाबत बोलायचे झाले तर हा चित्रपट २५ ऑगस्टला सर्वत्र प्रदर्शित झाला आहे. या चित्रपटात अनन्या पांडे, परेश रावल, राजपाल यादव, अभिषेक बॅनर्जी या कलाकारांच्या मुख्य भूमिका आहेत.