KL Rahul Athiya Shetty Wedding Gifts: बाॅलिवूडचा अण्णा अर्थात सुनील शेट्टीची लेक अथिया शेट्टी नुकतीच लग्नबंधनात अडकली. अथिया शेट्टीने गत २३ जानेवारीला क्रिकेटपटू केएल राहुलशी लग्नगाठ बांधली. अण्णाच्या खंडाळा येथील फार्महाऊसमध्ये हे शाही लग्न पार पडलं. या लग्नाचे फोटो, व्हिडीओ सोशल मीडियावर व्हायरल झालेत. सोबत अथिया व राहुलला लग्नात मिळालेल्या भेटवस्तूंचीही चर्चा रंगली. अथिया व के. एल. राहुल यांना लग्नात अनेक महागड्या भेटवस्तू मिळाल्याचा दावा इंटरनेटवर केला जात आहे. खुद्द सुनील शेट्टींनी लेक व जावयाला ५० कोटींच्या फ्लॅट दिला. सलमानने अथियाला १.६४ कोटींची ऑडी कार भेट दिली. जॅकी श्रॉफने ३० लाखांचं मनगटी घड्याळ तर अर्जुन कपूरने १.५ कोटींचं डायमंड ब्रेसलेट अथियाला गिफ्ट दिल्याचं म्हटलं गेलं.
विराट कोहलीने केएलला २.१७ कोटींची बीएमडब्ल्यू कार तर महेंद्र सिंग धोनीने ८० लाख किमतीची कावासाकी निंजा बाईक भेट दिल्याचा दावाही अनेक वृत्तात केला गेला. महागड्या गिफ्टची ही यादी वाचून सामान्य लोकांचे डोळे पांढरे झाले होते. पण आता या दाव्यांमध्ये काहीही तथ्य नसल्याचं समोर आले आहं. खुद्द सुनील शेट्टीने या सगळ्या अफवा असल्याचं म्हटलं आहे.
एबीपी लाईव्हसोबत बोलताना सुनील शेट्टीने अथिया व केएल यांच्या वेडिंग गिफ्टबद्दलच्या बातम्या निराधार असल्याचं स्पष्ट केलं. या सगळ्या बातम्या खोट्या आहेत. यात काहीही सत्य नाही, असं तो म्हणाला. कृपया अशा बातम्या प्रकाशित करू नका. अशी चुकीची माहिती देण्यापूर्वी आमच्याकडून खातरजमा करा, असं त्याने म्हटलं.अथिया व केएल दीर्घकाळापासून रिलेशनशिपमध्ये होते. अखेर २३ जानेवारीला दोघंही लग्नबंधनात अडकले. अगदी मोजक्या पाहुण्यांच्या उपस्थितीत हे लग्न पार पडलं.