दिलजीत दोसांझची सल्लूमियाँसोबत फॅनबॉय मोमेंट !

बॉलिवूडचा सुपरस्टार सलमान खानचा फॅन नाही, असा व्यक्ती शोधूनही सापडणार नाही. बॉलिवूडचे अनेक स्टार्स त्याच्या अभिनयाचे अक्षरश: दिवाने आहेत. आता तर सल्लूमियाँच्या फॅनलिस्टमध्ये आणखी एका जणाची भर पडलीय. आता हेच पाहा ना, ‘उडता पंजाब’ फेम पंजाबी गायक दिलजीत दोसांझ हा देखील सलमान खानचा खुप मोठा फॅन आहे म्हणे. हे त्याने नुकतेच झालेल्या एका मुलाखतीदरम्यान सांगितलेय. २०११ मध्ये भाईजान जेव्हा पंजाबमध्ये ‘बॉडीगार्ड’ चित्रपटातील एका गाण्याची शूटिंग करत होता. तेव्हा हे दोघे सेटवर भेटल्याचे तो सांगतो.                                                      _{‘पंजाबी गायक’ दिलजीत दोसांझ २०११ मध्ये ‘बॉडीगार्ड’ चित्रपटाच्या सेटवर सलमान खानला भेटला तो क्षण.}सलमान खानला भेटण्याचा किस्सा शेअर करताना दिलजीत म्हणाला,‘सलमान सर तेव्हा पंजाबमध्ये ‘बॉडीगार्ड’ चित्रपटातील एका गाण्याचे शूटिंग करत होते. मला जेव्हा कळाले की, ते पंजाबमध्ये गाण्याची शूटिंग करत आहेत. तेव्हा त्यांच्यासोबत एक फोटो घेण्याची मला तीव्र इच्छा झाली. मी सेटवरील काही लोकांना विचारले तेव्हा कोणीतरी माझी मदत केली अन् मला त्यांच्यासोबत एक फोटो घेण्याची संधी उपलब्ध करून दिली अन् माझं स्वप्न साकार झालं. जेव्हापासून अभिनयाच्या क्षेत्रात आलो तेव्हापासून मी सलमानभार्इंवर खुप प्रेम केलं. त्यांच्यासोबत कधी अभिनय करायला मिळेल का? असे मला नेहमी वाटते.’‘उडता पंजाब’ या हिंदी चित्रपटाच्या माध्यमातून दिलजीत दोसांझ या पंजाबी गायक, अभिनेत्याने बॉलिवूडमध्ये डेब्यू केला. त्याने केलेल्या पोलिस अधिकाऱ्याच्या भूमिकेचे समीक्षकांनी प्रचंड कौतुक केले. आलिया भट्ट, शाहिद कपूर, करिना कपूर खान यांच्या मुख्य भूमिकेतील या चित्रपटाच्या कथानकाने सर्वांचे लक्ष वेधून घेतले.