बॉलिवूडचा किंग खान म्हणजेच शाहरुख खान (Shah Rukh Khan) आज ५८ वर्षांचा झाला आहे, आज अभिनेता त्याचा वाढदिवस साजरा करत आहे. बॉलिवूडच्या बादशाहचे जगभरात करोडो चाहते आहेत ज्यांच्यासाठी अभिनेत्याचा वाढदिवस एखाद्या सणापेक्षा कमी नाही. दरवेळेप्रमाणेच यावेळीही बॉलिवूडमधील बादशाहचे हजारो चाहते सुपरस्टारची एक झलक पाहण्यासाठी आणि वाढदिवसाच्या शुभेच्छा देण्यासाठी मन्नतच्या बाहेर मोठ्या संख्येने जमले होते. किंग खाननेही बाल्कनीत येऊन चाहत्यांना सरप्राइज दिले आणि त्याच्या वाढदिवसाच्या शुभेच्छा देण्यासाठी आलेल्या चाहत्यांचे खास आभारही मानले.
सोशल मीडियावर व्हायरल होत असलेल्या व्हिडिओमध्ये मन्नतच्या गेटबाहेर चाहत्यांची गर्दी दिसत आहे. यादरम्यान काही चाहते त्यांच्या फोनद्वारे फोटो आणि व्हिडिओ क्लिक करताना दिसले, तर काहींनी हातात किंग खानचे पोस्टर घेतलेले दिसले. यावेळी अनेक चाहत्यांनी किंग खानचा वाढदिवस साजरा करण्यासाठी मन्नतच्या बाहेर फटाकेही फोडले. शाहरुख खान काल रात्री त्याच्या चाहत्यांसाठी बाल्कनीत पोहोचला. किंग खानला पाहताच चाहत्यांनी जल्लोष सुरू केला. यादरम्यान शाहरुख खान काळ्या टी-शर्टसह काळी टोपी घालून खूपच सुंदर दिसत होता. यावेळी किंग खान हात जोडून चाहत्यांचे आभार व्यक्त करताना दिसला. त्याने हात पसरून सिग्नेचर पोज दिली आणि चाहत्यांना खूश केले.
शाहरुखने असे मानले आभारशाहरुख खाननेही रात्री उशिरा मायक्रोब्लॉगिंग साइट X वर आपल्या चाहत्यांचे आभार मानले आहेत. त्याने लिहिले, “तुम्हापैकी बरेच जण मला शुभेच्छा देण्यासाठी रात्री उशिरा आले हे अविश्वसनीय आहे. मी फक्त एक अभिनेता आहे, मी तुमचं थोडं मनोरंजन करू शकेन यापेक्षा जास्त आनंद मला दुसरी कोणतीच गोष्ट देत नाही. मी तुम्हा सर्वांच्या स्वप्नात जगतो. मला तुम्हा सर्वांचे मनोरंजन करण्याची परवानगी दिल्याबद्दल धन्यवाद. सकाळी भेटू... स्क्रीनवर आणि ऑफ इट.”
शाहरुख त्याच्या वाढदिवशी चाहत्यांना देऊ शकतो सरप्राइज२०२३ हे वर्ष शाहरुख खानसाठी खूप लकी ठरले आहे. या अभिनेत्याने बॅक टू बॅक दोन ब्लॉकबस्टर चित्रपट दिले आहेत. वर्षाच्या सुरुवातीला 'पठाण'ने बॉक्स ऑफिसवर खळबळ माजवली होती, तर आता 'जवान'ने जोरदार धुमाकूळ घातला आणि बॉलिवूडमध्ये सर्वाधिक कमाई करणारा चित्रपट बनून इतिहास रचला. शाहरुख खान त्याच्या वाढदिवसानिमित्त त्याच्या आगामी 'डंकी' चित्रपटाचा टीझर रिलीज करून त्याच्या चाहत्यांना ट्रीट देऊ शकतो, अशी अटकळ बांधली जात आहे. 'पठाण' आणि 'जवान'नंतर शाहरुख खान आता 'डंकी'सोबत बॉक्स ऑफिसवर इतिहास रचण्याच्या तयारीत असल्याचे बोलले जात आहे.