कोरोनाच्या या भीषण स्थितीत समाजातून अनेक मदतीचे हात पुढे येत आहेत. बॉलिवूडचे अनेक कलाकारही मदतीसाठी पुढे सरसावले आहेत. सोनू सूद, गुरमीत चौधरी, अक्षय कुमार, ट्विंकल खन्ना, सलमान खान असे अनेक कलाकार सध्या कोरोना काळात लोकांसाठी झटत आहेत. आता अभिनेता फरहान अख्तर यानेही लोकांना मदतीचा हात दिला आहे.सोशल मीडियावर पोस्ट शेअर करत फरहानने खुद्द ही माहिती दिली.
फरहानच्या कंपनीने आत्तापर्यंत हेमकुंट फाउंडेशन, डॉक्टर फॉर यू, मिशन वायु, रसोई ऑन व्हील्स, गिव्ह इंडिया, होप वेलफेयर ट्रस्ट, एसबीएस फाउंडेशन, सत्यार्थ सोशियो अशा काही संस्थाना देणगी दिली आहे. या संस्था रुग्णांना ऑक्सिजन, भोजन, औषधे उपलब्ध करून देत आहेत. फरहानच्या वर्कफ्रंटबद्दल सांगायचे तर त्याचा ‘तुफान’ हा सिनेमा येत्या काळात प्रेक्षकांच्या भेटीस येतोय. हा सिनेमा चित्रपटगृहात रिलीज होणार होता. पण कोरोनामुळे हा प्लान रद्द करण्यात आला. आता हा सिनेमा ओटीटीवर रिलीज होणार आहे. ओमप्रकाश मेहरा दिग्दर्शित या सिनेमात परेश रावल कोचच्या भूमिकेत आहेत.