फरहान अख्तर गेल्या अनेक दिवसांपासून चर्चेत आहे. होय, त्याच्या अफेअरची बी-टाऊनमध्ये जोरदार चर्चा आहे. गेल्या काही महिन्यांपासून फरहान मराठी अभिनेत्री व गायिका शिबानी दांडेकर हिला डेट करत असल्याचे कळतेय. खरे तर एक्स वाईफ अधुनासोबत घटस्फोट घेतल्यानंतर फरहानचे नाव श्रद्धा कपूरसोबत जोडले गेले होते. दोघेही लिव्ह-इनमध्ये राहणार, इतकी चर्चा होती. पण श्रद्धाचे वडील शक्ती कपूर यांनी विरोध केला आणि पुढे या विरोधापुढे श्रद्धाही झुकली. या विरोधामुळे श्रद्धा व फरहानचे नाते संपुष्टात आले. श्रद्धासोबतच्या ब्रेकअपनंतर फरहानच्या आयुष्यात शिबानी दांडेकरची एन्ट्री झाल्याचे मानले जात आहे. अर्थात दोघांनीही हे मान्य केलेले नाही़ पण तसे बरेच संकेत मिळताहेत. ताजा पुरावा म्हणजे, फरहानची इन्स्टाग्राम स्टोरी.
होय, फरहानने शिबानीचा एक फोटो आपल्या इन्स्टाग्राम स्टोरीवर अपलोड केला आहे. या पोस्टमध्ये फरहानने शिबानीला वाढदिवसाच्या शुभेच्छा दिल्या आहेत. सोबत फ्लार्इंग किसच्या इमोजीही आहेत. फरहानची ही इन्स्टास्टोरी बरेच काही सांगणारी आहे.गेल्या काही दिवसांत फरहान व शिबानी या दोघांना अनेकदा एकत्र पाहिले गेलयं. तूर्तास फरहान सोनाली बोसच्या ‘द स्काय इज पिंक’च्या शूटींगमध्ये व्यस्त आहे. या चित्रपटात प्रियांका चोप्रा आणि जायरा वसीमही आहेत.