​फवाद-कॅटचा पंजाबी स्टाईल रोमान्स

बॉलीवूडमध्ये लवकरच एक फ्रेश जोडी पाहायला मिळणार आहे. धर्मा प्रोडक्शनच्या नव्या चित्रपटात फवाद खान आणि कतरिना कैफ प्रथमच एकत्र दिसणार आहेत. अद्याप या चित्रपटाचे नाव घोषित के लेले नाही.या प्रोजेक्टवर काम करणाऱ्या जवळच्या सुत्रांनी दिलेल्या माहितीनुसार हा एक रोमॅण्टिक सिनेमा असून दिल्लीतील पंजाबी कुटुंबातील कथा आहे.फवाद-कॅट पंजाबी स्टाईल रोमान्स करणार असून भव्यदिव्य पंजाबी लग्न हे या चित्रपटाचा प्रमुख भाग असणार आहे. नोव्हेंबर महिन्यापासून दिल्ली येथे शुटींगला सुरुवात होणार आहे. आॅक्टोबर महिन्यात फवाद दुसºया वेळेस वडिल होणार असून तोपर्यंत तो आपल्या पत्नीसोबतच राहणार आहे. त्यानंतरच या चित्रपटावर तो काम करणार आहे.यावर्षी दिवाळीमध्ये प्रदर्शित होणाऱ्या ‘ऐ दिल है मुश्किल’मध्येदेखील फवादची महत्त्वाची भूमिका असून तो सुपरहॉट डीजेच्या भूमिकेत आहे.