आमिर खान(Aamir Khan)ची लाडकी लेक आयरा खान (Ira Khan) हिने तिचा बॉयफ्रेंड नुपूर शिखरे(Nupur Shikhare)सोबत आज लग्नगाठ बांधली आहे. कुटुंबातील सदस्य आणि मित्र मंडळींच्या उपस्थितीत त्यांनी कोर्ट मॅरिज केले आहे. त्यांच्या कोर्ट मॅरेजची पहिली झलक समोर आली आहे. सोशल मीडियावर व्हायरल होत असलेल्या एका व्हिडिओमध्ये हे जोडपे त्यांच्या लग्नाची नोंदणी करताना पाहायला मिळाले.
गेल्या अनेक दिवसांपासून आमिर खानचे चाहते त्याची मुलगी आयरा खानच्या लग्नाची उत्सुकतेने वाट पाहत होते. अखेर आज आयरा मिसेस शिखरे झाली आहे. आयरा आणि नुपूरने कोर्ट मॅरिज करत लग्नगाठ बांधली आहे. यावेळी आयरा आणि नुपूरसोबत खान आणि शिखरे कुटूंबातील सदस्य उपस्थित होते. तसेच आमिर खानच्या लेकीच्या लग्नाला मुकेश अंबानी आणि नीता अंबानी हे दोघेही खास पाहुणे म्हणून उपस्थित होते.